964+

وریا فەتاح

کارەباى سلێمانى، كۆتا ئاماری هاوبەشانی كارەبا و رێژەی قەرزەكانی هاوبەشی ماڵانى چەمچەماڵى بڵاوکردەوە کە تێیدا لەسنوری بەڕێوبەرایەتییەكانی دابەشكردنی كارەبای چەمچەماڵ 53 هەزار و 237 هاوبەشى کارەبا هەیە و زۆرینەیان قەرزدارى کارەبان.

بەپێی ئامارو داتاكانی بەشی كاروباری وزەی بەڕێوەبەرایەتی دابەشكردنی كارەبای چەمچەماڵ، لەسنووری چەمچەماڵ هاوبەشانی كارەبا بەمشێوەیە دابەشبوون:

هاوبەشی ماڵان = 47,302

هاوبەشی بارزگانی =4,157

هاوبەشی پیشەسازیی = 86

هاوبەشی كشتوكاڵی = 999

هاوبەشی میری (حكومی) = 693

كۆی گشتی هاوبەشانی كارەبا = 53,237

هەر بەپێی داتاكان، قەبارەی قەرزی هاوبەشەكانی پۆلی ماڵان بەمشێوەیەیە:

6,378  هاوبەش هیچ قەرزێكیان لانییە.

8,422  هاوبەش كەمتر لە 100 هەزار دینار قەرزارن.

15,983  هاوبەش 100,000 بۆ 500,000 دینار قەرزارن.

12,304  هاوبەش 100,000 بۆ 1 ملیۆن دینار قەرزارن.

4,122 هاوبەش 1 بۆ 2 ملیۆن دینار قەرزارن.

92  هاوبەش 2 بۆ 10 ملیۆن دینار قەرزارن.

1  هاوبەش سەروو 10 ملیۆن دینار قەرزارە.

133 هاوبەشى کارەبا سەروو 10 ملیۆن دینار قەرزدارن

964+

میلاد جەلال

تەلاری زانکۆ کە دەکەوێتە ناو بازاڕی قەزای کەلار، لە بەشی سەرەوەی تەلارەکە ئاگر کەوتووەتەوە، دوو تیمی بەرگری شارستانی گەشتوونەتە شوێنی رووداوەکە و خەڵکیش کۆبوونەتەوە.

پەیامنێری 964 لە کەلار زانیاری سەرەتایی دەربارەی رووداوەکە باس کرد و وتی، دەوترێ موەلیدەیەک لە بەشی سەرەوە “سەربانی” تەلارەکە ئاگری گرتووە.

نوێکردنەوە 11:50 PM

پەیامنێرمان پاش گەشتنی بە شوێنی رووداوەکە رایگەیاند، پشتڕاست بووەتەوە، ئەوەی ئاگری گرتووە موەلیدەی بازاڕەکە بووە، دوو تیمی بەرگری شارستانی پاش 30 خولەک توانیوویانە ئاگرەکە کۆنتڕۆڵ بکەن.

ئیبراھیم محەمەد وتەبێژی بەرگری شارستانی گەرمیان بە 964ـی وت، ھۆکاری ئاگرەکە شۆرتی کارەبا بووە، تانکی گازی مۆلیدەی بینای تەلاری زانکۆ ئاگری گرتبوو، چوار بنکەی ئاگرکوژێنەوە ئاگرەکەیان کۆنتڕۆڵکرد.

لەبارەی زیانەکانی رووداوەکە، هیچ کەسێک بەهۆی رووداوەکەوە زیانی پێ نەگەیشتووە، بەڵام زیانی مادی بەس سەربازنی بازاڕەکە کەوتووە، جگە لە سوتانی موەلیدەکە و کەرەستەکانی.

کێڵگەیەکى پەلەوەرى ئاگرى گرت