لە رەمەزاندا بەتەماى باران مەبن، جەژن بارانە

964+

وریا فەتاح

ئەمڕۆ ئاسمان هەور و نیمچەهەور دەبێت، سبەینێ دەگۆڕێت بۆ هەورى تەواو، بەڵام باران نابارێت، لەگەڵ ئەوەشدا پلەکانى گەرما زیاتر بەرز دەبنەوە، ئەمە بەپێى پێشبینى کەشناسى هەرێم، بەڵام کەشناسى عێراق دەڵێت: یەکشەممە و دووشەممە کە گومان دەکرێت یەکەم و دووەم رۆژى جەژنى رەمەزان بن، باران دەبارێت.

بەشى پێشبینى لە کەشناسى هەرێم بڵاوى کردەوە، ئەمڕۆ پێنج شەممە، ئاسمان بەگشـتى پەڵەهەور بۆ نیمچە هەور دەبێت، پلەکانى گەرماش کەمێک بەرز دەبنەوە.

دەشڵێت: سبەینێ هەینى ئاسمان لە پەڵەهەورەوە بۆ نمیچەهەور دەگۆڕێت و دواتر لە ناوچە شاخاوییە بەرزەکان بۆ هەورى تەواو دەگۆڕێت، بەڵام باران نابارێت.

هەروەک پێشبینى کردووە، پلەکانى گەرما 1 تا 2 پلەى سێلیزى بەرز ببنەوە.

هەرچى کەشناسى عێراقە، پێشبینییەکانى رۆژانى داهاتووى راگەیاند، بەپێى ئەوە بێت رەمەزان بارانى تێدا نییە و لە رۆژى یەکشەممەوە باران بارین دەستپێدەکات و دووشەممەش بەردەوام دەبێت.

بەرزترین پلەکانی گەرمای پێشبینیکراو بە پلەی سیلیزی

هەولێر : 27 پلەی سیلیزی

سلێمانی : 25 پلەی سیلیزی

دهۆک : 26 پلەی سیلیزی

کەرکوک : 28 پلەی سیلیزی

زاخۆ : 27 پلەی سیلیزی

هەڵەبجە : 25 پلەی سیلیزی

سۆران : 24 پلەی سیلیزی

حاجی ئۆمەران : 16 پلەی سیلیزی

گەرمیان :29 پلەی سیلیزی

پێشبینیکارێک: نزیک لە جەژن بارانبارین دەستپێدەکات