کۆبوونەوەى ئەنجومەنى وەزیران
سێ تەوەرە
ئەنجومەنى وەزیران لەبارەى لێخۆشبوون لە پێشینەى هاوسەرگیرى کۆدەبێتەوە
964+
وریا فەتاح
ئەمڕۆ چوارشەممە، 12.3.2025، ئەنجومەنی وەزیران کۆدەبێتەوە و گفتوگۆ لەسەر سێ تەوەرى سەرەکى دەکات.
بەپێى راگەیەنراوىفەرمانگەى میدیا و زانیارى، لە بڕگەی یەكەمدا دواپێشهاتی كۆبوونەوە هاوبەشەكانی نێوان وەزارەتی سامانە سروشتییەكان و وەزارەتی نەوتی فیدراڵ بە ئامادەبوونی نوێنەری كۆمپانیا نەوتییەكان سەبارەت بە هەوڵی دەستپێكردنەوەی هەناردەی نەوتی هەرێم دەخرێتە ڕوو.
لە بڕگەی دووەمدا دوو پێشنیاری وەزارەتی كار و كاروباری كۆمەڵایەتی بۆ دانانی لە كارنامەی كۆبوونەوەی ئەنجومەن لەبارەی لێخۆشبوون لە پێشینەی هاوسەرگیریی ئەو كەمئەندامانەی كە پێش ساڵی 2013 وەریان گرتووە، هەروەها راپۆرتی سندووقی پشتیوانیی پرۆژە بچووكەكانی لاوان سەبارەت بە لێخۆشبوون بە ڕێژەی 100% یان 50% لە قیستەكانی ماوە بۆ سوودمەندانی كۆچكردوو دەخرێتە ڕوو.
لە بڕگەی سێیەمدا، رۆژەكانی پشوو و بۆنە فەرمییەكان لە ڕۆژژمێری حكومەتی هەرێمی كوردستان دیاری دەكرێت.
