سەنگەر کەمال وادەڵێت
“نامەوێت بە جزداشەیەکەوە سرودی ئاینی بڵێم و دواتر بگەڕێمەوە سەر گۆرانی عاشقانە”
964+
دیلان محەمەد
بەدەم سەیرکردنی یاری نەورۆز و قوە جەویەوە پەیامنێری 964 هەردوو هونەرمەند سەنگەر کەمال و نێچیر هەورامی بینی، کەوتنە دەمەتەقێ و داخەکەم گوڵەبەرۆژەکەیان خورابوو بەدەستی بەتاڵ لێی دانیشتبوون و بەدڵیش لەگەڵ یانەی نەورۆزن.
لەبارەی نەبوونی هیچ بەرهەمێکەوە بۆ مانگی رەمەزان سەنگەر کەمال بۆ مایکی 964 وتی، حەزم لێیە لە دڵەوە یەکجار بەرهەمێک بکەم و نەگەڕێمەوە سەر ستایلی گۆرانی عاشقانە، پێمخۆشنیە بە جزداشەیەکەوە سرودی ئایینی بۆ رەمەزان بڵێم و دوایش بگەڕێمەوە ئاهەنگەکان.
سەنگەر کەمال ماوەیەکی کەمە بۆ جاری دووەم ژیانی هاوسەرگیری پێکهێناوە، بەڵام وادیارە کاریگەری زۆری لەسەری هەیە و دەڵێت، رەنگە بەیەکجاری واز لە گۆرانی وتن بێنم.
نێچیر هەورامیش لەدەست مایکی 964 رزگاری نەبوو، وتی، بۆ جەژنی رەمەزان بەرهەمی تازەم هەیە و لە دەرەوەی وڵاتیش ئاهەنگم دەبێت، پێویست دڵی کوردەکانی ئەوێش خۆشبکەین.
پێداچوونەوەی: پەری ساڵح
