لە کەرکوک
چەند ئەندامی خێزانێک بە رووداوی هاتوچۆ گیانیان لەدەست دا
964+
کاروان ساڵحی – کەرکوک
لەسەر شەقامی پشتێنەیی کەرکوک ئۆتۆمبێلێک وەرگەڕاوە وچەند ئەندامێکی خێزانێک گیانیان لەدەستداوە.
سامان یابە بەرپرسی راگەینادنی فەرمانگەی تەندروستی کەرکوک بە 964ـی وت، تا ئێستا کەسێکیان گەیندراوەتە لای ئەوان و باری تەندروستی زۆر ناجێگیرە.
وتیشی، تەرم لە شوێنی رووداوەکە هەیەو تیمەکانیان لە رێگەن بۆ ئەو شوێنە.
پەیامنێری 964 لە شوێنی رووداوەکەیە و هاتوچۆ و شایەتحاڵەکانیش پێیان وتووە کە خێزانەکە پێنج کەس بوون و چواریان دەستبەجێ گیانیان لەدەستداوە و دانەیەکیان باری تەندروستی ناجێگیرە .
زانیاری نوێ هات:
ئۆتۆمبێلەکە لە جۆری جێب لاریدۆ بووە و خێزانێکی خەڵکی بەغدای تیادا بووە و ویستوویانە لە هەولێرەوە بگەڕێنەوە بۆ بەغدا.
لەناو ئۆتۆمبێلەکە پێنج کەسی تیادا بووە و دوو پیاو و ژنێک و منداڵێک گیانیان لەدەستداوە و کجێکی تەمەن 13 ساڵیش بریندارە و باری تەندروستی ناجێگیرە.
پێداچوونەوە: توانا نەقی
