هاوڵاتییەک لەسەر راوکردنی کەو دەستگیرکرا

964+

ژێوار خدر

لە سنووری کەناروێی ناوچەی شارباژێڕ، هاوڵاتییەک دەستگیرکرا کە تەڵەی بۆ باڵندەکان دادەنایەوە و راوی دەکردن، دەست بەسەر کەلوپەلەکانیشیدا گیرا.

بەڕێوەبەرایەتیي پۆلیسی دارستان و ژینگەی سلێمانی رایگەیاند، مەفرەزەکانیان بەردەوام لە کێوماڵ و گەڕان و پشکنینی کەژ و کێوەکان، لەپێناو پاراستنی ئاژەڵ و باڵندە کێویەکان.

دەشڵێت، لە ئەنجامی گەڕانەکانیان، لە گوندى کەناروێی سنووری شارباژێڕ هاوڵاتییەکیان  لەسەر راوکردنی باڵندەى کێوى دەستگیر کردووە، کە کەوێکی کوشتووە و کەوێکی دیکەشی گرتووە.

روونیشیکردووەتەوە، دەستیان بەسەر تاپڕەکەی، هەشت فیشەکی تاپڕ و دوو دەستە دەستە داودا گرتووە، جگە لە کەوێکی زیندوو و کەوێکی راوکراو و فلاش میمۆرییەکیش ، کە لە راوکردنەکەیدا بەکاری هێناوە.