بەشێک لەو کەلوپەلەی دەستیبەسەرداگیراوە وێنە: لیژنەکانی چاودێری خۆراکی دیانا
لە سەیرانەگەی کانی مارانی ناحیەی دیانا
25 کیلۆ خۆراکی ماوەبەسەرچوو دەستیبەسەرداگیرا
964+
ژێوار خدر
لە سەیرانگەی کانی مارانی ناحیەی دیانای ئیدراەی سۆران، 25 کیلۆگرام خۆراک و کەلوپەلی ماوە بەسەرچوو دەستیبەسەرداگیرا.
جومعە عەلی، سەرۆکی لیژنەی پشکنین و چاودێری بازاڕ سەربە بەڕێوەبەرایەتیی چاودێریی بازرگانیی سۆران بە 964ـی وت، “لیژنەکانمان لە هەڵمەتێکی گەڕاندا کە بۆ مارکێتەکانی سەیرانگەی کانی مارانی ناحیەی دیانارێکمانخستبوو، دەستیان بەسەر 25 کیلۆ خۆراک و کەلوپەلی ماوەبەسەرچوودا گرت.”
وتیشی، ئەو مەوادانەی دەستیان بەسەرداگیراوە، پێکهاتوون لە خواردن و خواردنەوە، لە دوو مارکێت و چەند چێشتخانەیەکیش کە مەوادی خۆراکی بەسەرچووی وەکو نیسک و نۆک و کۆمەڵێک بابەتی دیکەشیان هەبوو.
باسی لەوەشکرد، پسوڵەی ئاگادارکردنەوە بۆ خاوەنی مارکێتەکان کراوە و پێیانراگەیاندراوە، کە سەردانی لیژنەکان بکەن بۆ ئەوەی رێکارییان لەگەڵ بکرێت.
روونیشیکردەوە، هەرکەسێک پابەندی رێنماییەکان نەبێت و سەرپێچی یاساکان بکات، رێکاری پێویستی بەرامبەر دەگیرێتەبەر.
