به‌م زووانه ده‌ست به رێكاره‌كانى ده‌كرێت
له‌مه‌ودوا كاتى نیشتمانیت نه‌بێت له خۆراكی مانگانه بێبه‌ش ده‌كرێیت
964+
فه‌رهاد حه‌سه‌ن
به‌پێی سستمێكی نوێ كه حكومه‌تى عێراق و هه‌رێمی كوردستان كارى له‌سه‌ر ده‌كه‌ن، له‌مه‌ودوا هه‌ر هاولاتییه‌ك كارتى نیشتمانى نه‌بێت له به‌شه خۆراكی مانگانه بێبه‌ش ده‌كرێت و كارته‌كه ده‌كرێته مكه‌رجى سه‌ره‌كى بۆ وه‌رگرتنى به‌شه خۆراك.
ئه‌م زانیاریه‌ى سه‌ره‌وه، نه‌وزاد شێخ كامیل به‌ڕێوه‌به‌رى گشتى بازرگانى هه‌رێم بۆ 964ـى پشتڕاست كردووه و وتیشی “به‌م زووانه ده‌ست به رێكاره‌كانى ده‌كه‌ین”.
دوای جێبەجێکردنی پرۆسەی بە ئەلیکترۆنیکردنی پسوولەی خۆراک، پسوولەی خۆراکەكه دەچێتە ناو کۆدی کارتی نیشتمانی، تاوەكو ئەوکاتەی کارتی نیشتمانی دەرنەهێنێت، پسوولەی خۆراکی پێنادەن.
شێخ كانیل وتیشی “له‌رێگه‌ى لیژنیه‌ه‌كی تایبه‌ته‌وه ئاماده‌كارى بۆ جێبه‌جێكردنى ئه‌م رێكارانه ده‌كرێت و ئه‌پڵیكه‌یشنێكی تایبه‌ت به بریكاره‌كانى خۆراك دروستده‌كرێت”.
به‌پێی ئامارێكی فه‌رمی بازرگانى گشتى هه‌رێم پێشبینى ده‌كات زیاتر لە یەك ملیۆن و 300 هەزار خێزان لە هەرێمی كوردستان بەشداری پڕۆسەی بەدیجیتاڵكردنی پسوولەی خۆراك بكەن، زیاتر لە پێنج ملیۆن و 350 هەزار كەسیش، كە سوودمەندن لە پسوولەی خۆراك، دەبێت كارتی نیشتمانییان هەبێت و داخڵ بكرێت، جگەلەوانەش، هەر خێزانێك چەند كەسە لە پسوولەی خۆراك، دەبێت دواتر وێنەی كارتە نیشتمانییەكەی بگرێت.
بەئەلیکترۆنیکردنی پسوولەی خۆراک لە دهۆکەوە دەستپێدەکات
مانگرتنی کارمەندانی پسوولەی خۆراکی سلێمانی گەیشتە پەرلەمانی عێراق
