کۆبوونەوەی نێچيرڤان بارزانى سەرۆکی هەرێم و گويدۆ كرۆسێتۆ وه‌زيرى به‌رگريى ئيتاڵيا - وێنە: سەرۆکایەتی هەرێم
له کۆنفڕانسی ئاسایشی میونشن
سەرۆکی هەرێم و وەزیری بەرگری ئیتاڵیا باسی کوردستان و بەرەنگاربوونەوەی داع*شیان کرد
964+
شۆڕش قادری
سەرۆکی هەرێمی کوردستان و وەزیری بەرگری ئیتاڵیا باسی کوردستان و عێراق و چۆنیەتی بەرەنگاربوونەوەی داع*شیان کرد.
له ميانى به‌شداريكردنى له کۆنفڕانسی ئاسایشی میونشن، به‌يانيى ئه‌مڕۆ هه‌ينى، 14.2.2025 نێچيرڤان بارزانى، سەرۆکی هەرێمی کوردستان چاوی کەوت بە گويدۆ كرۆسێتۆ وه‌زيرى به‌رگريى ئيتاڵيا و پەیوەندییەکانی هەرێمی کوردستان و ئیتاڵیا و بەهێزکردنی هاريكاريى هاوبەشى نێوان هه‌ردوولا و به‌ره‌نگاربوونه‌وه‌ى هه‌ڕه‌شه‌كانى داع*شيان تاوتوێ كرد.
بەپێی راگەیەنراوێکی سەرۆکایەتی هەرێم، “نێچیرڤان بارزانی پێزانینی هەرێمی کوردستانی بۆ ئەو پشتگیرییە دووپات کردووەتەوە کە ئیتاڵیا لە بواری راهێنانی هێزەکانی پێشمەرگە و بەهێزکردنی تواناکانی لە چوارچێوەی هاوپەیمانيی نێودەوڵەتيی دژى داع*شدا پێشکەشی دەکات، هه‌روه‌ها داكۆكى له پێويستيى عێراق و هه‌رێمى كوردستان به به‌رده‌واميى پشتگيريى نێوده‌وڵه‌تى بۆ نه‌هێشتنى يه‌كجاره‌كيى داع*ش كردووە”.
وەزیری بەرگريی ئیتاڵیاش جەختی لەسەر گرنگيی هاوبەشيی لەگەڵ کوردستان و پابه‌نديى وڵاتەکەی بۆ بەردەواميی پشتگیريی پێشمەرگە و بەهێزکردنی هاوکاريی سەربازی و ئەمنی له‌گه‌ڵ عێراق و هه‌رێمى كوردستاندا کردەوە.
هەر لە دانیشتنکەدا، دوايين پێشهاته ئەمنی و سیاسییەکانی عێراق و ناوچەکە، به‌تايبه‌تى دۆخى سوريا و چه‌ند پرسێكى ديكه‌ى گرنگ، تاوتوێ کران.
ئیتاڵیا فەرماندەی هێزەکانی لە هەرێمی کوردستان گۆڕی
