ئیمانوێڵ ماکرۆن، سەرۆکی فەڕەنسا و نێچیرڤان بارزانی، سەرۆکی هەرێمی کوردستان - وێنە: AFP
بیروڕا ئاڵوگۆڕ کراوە
لە پاریسەوە بۆ هەولێر؛ ماکرۆن تەلەفۆنی بۆ نێچیرڤان بارزانی کرد
964+
ئەحمەد مستەفا
شهوى رابردوو، لە فەڕەنساوە تەلەفۆنێک بۆ هەولێر کراوە، نێچيرڤان بارزانى، سهرۆكى ههرێمى كوردستان وەڵام دەداتەوە و ئيمانوێل ماكرۆن سهرۆكى فهرهنسا قسەدەکات، لەسەر ئەو پەیوەندییە تەلەفۆنییە سەرۆکایەتی هەرێمی کوردستان راگەیەندراوی هەیە.
هەردوو سەرۆک، لەسەر پهيوهندييهكانى ههولێر ـ بهغدا، دۆخى عێراق و ههرێمى كوردستان، پێشهاتهكانى سوريا و رۆژههڵاتى ناوهڕاست، قسەیان کردووە و بيروڕايان گۆڕيوەتهوه.
چەندجارێک نێچیرڤان بارزانی چووەتە پاریس و بەرپرسانی ئەو وڵاتە و خودی ماکرۆنی بینیوە، ئیدارەکەی ماکرۆن خۆیان بەدۆستی کورد نیشان دەدەن، سەرۆکایەتی هەرێمی کوردستان ئەمڕۆ هەینی 31.1.2025، هاوڕابوونی بارزانی و ماکرۆنی لەسەر ئەوە ئاشکراکردووە، هەوڵەکان چڕبکرێتەوە بۆ پاراستنى ئارامى و سهقامگيرى، ههروهها بهردهواميى گفتوگۆى ههرێمى كوردستان، لهگهڵ حكومهتى فيدراڵى عێراق بۆ چارهسهركردنى كێشهكان.
وا دیارە ماکرۆن پیرۆزبایی هەڵبژاردنی خولی شەشەمی پەڕلەمانی کوردستان کردووە، سەرۆکایەتی هەرێمی کوردستان دەڵێت، سهرۆكی فەڕەنسا جهختى له بهردهواميى پشتگيريى فهرهنسا له عێراق و قهوارهى دهستووريى ههرێمى كوردستان كردهوه، وتوویەتی، فهرهنسا به بايهخێكى زۆرهوه له پهيوهندييهكانى لهگهڵ عێراق و ههرێمى كوردستان دهڕوانێت.