لە پیرەمەگروون
نانەواخانەیەک دووکانێکی بەخۆیەوە سووتاند
964+
ئەحمەد محەمەد – سلێمانی
لە پیرەمەگروون ئاگر لە نانەواخانەیەک کەوتەوە و دووکانێکی دیکەشی بەخۆیەوە سووتاند.
ئارام عەلی وتەبێژی بەرگریی شارستانیی سلێمانی بە 964ی وت، “سەرلەبەیانی ئەمڕۆ چوارشەممە 29.1.2025 لە پیرەمەگروون ئاگر لە نانەواخانەیەك کەوتووەتەوە و جگە لە نانەواخانەکە دووکانێکی دیکەش سووتاوە”.
روونیشیکردەوە، سەرەتا نانەواخانەكە ئاگری گرتووە و دواتر ئاگرەكە پەڕیوەتە دووكانی تەنیشتی كە دووكانێكی نانی بەیانی بووە.
ئاماژەی بەوەش کرد، تیمەكانی بەرگریی شارستانی هەرزوو ئاگرەكەیان كۆنتڕۆڵ كردووە و هیچ زیانێكی گیانی نەبووە، بەڵام دووكانەكان بەتەواوەتی سووتاون و دووكەڵیش چووەتەناو چەند دووكانێكی نزیك لە ئاگرەكە.
پێداچوونەوە: شۆڕش قادری
ناحیەی پیرەمەگروون ئەمشەوی بێ كارەبا بەسەربرد
