لە هەڵەبجە گۆشتی خراپبوو دەستی بەسەردا گیرا، فۆتۆ: تەندروستیی هەڵەبجە
هەڵەبجە
گۆشتی خراپبوو دەستی بەسەردا گیرا و چەند شوێنكاریش سزادران
964+
ئەرسەلان عەبدوڵا
تەندروستیی هەڵەبجە ئاشكرای كرد، بڕێکی زۆر گۆشتی نەشیاو و خراپبوویان دەستبەسەردا گرتووە، پێنج شوێنكاریش سزادراون.
بەڕێوەبەرایەتیی گشتیی تەندروستیی هەڵەبجە، ئێوارەی ئەمڕۆ دووشەممە 27.1.2025 رایگەیاند، تیمەکانی چاودێریی تەندروستی لە درێژەی هەڵمەتەكانیان بۆ بازاڕ و شوێنی کارەکان، ئەمڕۆ سەردانی چەندین گۆشتفرۆشیان كردووە و پشکنینی وردی تەندروستی و ڤێتەرنەریان بۆ کردوون.
ئاشكراشیان كرد، بەهۆی بوونی خۆراک و گۆشتی خراپبوو سێ شوێنکار بە غەرامەكردن سزادراون، ئەمە جگە لەوەی بڕێکی زۆر گۆشتی خراپبوو دەستی بەسەرداگیرا و دوو شوێنیش ئاگادارکردنەوەیان پێدراوە.
