تیمەکانی خزمەتگوزاری کارەبا سەرقاڵی بەستنی پێوەری زیرەکن بۆ دانانی سیستەمی پریپەید. وێنە/کارەبای سلێمانی
بەهۆی کارکردن لە پڕۆژەیەکدا
کارەبای سەنتەری سلێمانی لە رۆژدا دەبڕێت
964+
شۆڕش قادری
بەهۆی کارکردن لە پڕۆژەیەکدا کارەبای نیشتمانی لە چەند شەقامێکی سلێمانی لە رۆژدا دەبڕێت.
بەڕێوەبەرایەتی کارەبای سلێمانی لە ئاگادارییەکدا دەڵێت، “هاوبەشانی کارەبای ناوبازاڕ لە شەقامی کاوە، ئەسحابەسپی، سابونکەران و شەقامی ئۆرزدی ئاگادار دەکەینەوە كە كارەباكانیان دەكەونە سەر فیدرەكانی 306+310+316+33+33م+34+34م+ 38 وێستگەی گۆڕینی كارەبای ناوەندی شار، رۆژانە لە كاتژمێر 8:00ـی بەیانی بۆ 4:00ـی عەسر كارەبای نیشتمانیان نابێت”.
ئاماژەی بەوەشکردووە، بڕینی کارەبای ئەو چەند شەقامە بەهۆی كاركردنی تیمەكانی پێوەری زیرەكە بۆ پڕۆژەی رووناكی و تا تەواوبوونی كارەكانی پڕۆژەكە بەردەوام دەبێت.
کارەبای سلێمانی بایی 130 ملیۆن دینار ستونی تۆڕی روناکی بۆ دوکان دەکڕێت
