وێنەی 25 هەزار و دە هەزار دیناری عێراقی - وێنە: socialmedia
"80٪ـی بودجە بۆ موچەیە"
سەرۆککۆمارى عێراق: با ئیتر واز لەوە بهێنین لەسەر موچە بژین
964+
ژووری هەواڵ
لەتیف رەشید، سەرۆککۆمارى عێراق لە داڤۆسەوە رایگەیاند، کەرتى تایبەت دەتوانێت ئابوورى هەرێمى کوردستان و عێراق پێشبخات، “با ئیتر واز لەوە بهێنین لەسەر موچە بژین”.
بە وتەی سەرۆککۆمار، لە عێراق نزیکەی 80٪ـی بودجە بۆ موچە تەرخاندەکرێت و ساڵانە ئەو رێژەیە زیاد دەکات.
سەرۆککۆمارى عێراق دەشڵێت، گرنگە، کۆمپانیا و خاوەنکارە بیانییەکانیش بێنە کوردستان و وەربەرهێنان بکەن.
“تاوەکو ئەو پەستانەی لەسەر حکومەتی هەرێم و بەغدایە بۆ موچە کەمنەکەینەوە، ناتوانین پێشکەوتنێکی باشی ئابووری بەدیبهێنین”، لەتیف رەشید وا دەڵێت.
بەگوێرەی ئامارە فەرمییەکان، لە هەرێمی کوردستان لەکۆی شەش ملیۆن و 370 هەزار و 668 دانیشتوو، یەک ملیۆن و 200 هەزاریان موچەخۆرن.
سەرۆککۆمارى عێراق: با ئیتر واز لەوە بهێنین لەسەر موچە بژین
