نرخی نەوت 82 دۆلاری تێپەڕاند 

964+ 

توانا نەقی

لەگەڵ کردنەوەی بازاڕەکانی جیهان نرخی نەوت بەرزبوونەوەیەکی بەرچاوی بەخۆوە بینیوە و 82 دۆلاری تێپەڕاندووە.

ئەمە لە کاتێکدایە دوێنێ لە کاتی کردنەوەی بازاڕەکاندا نزیک بوو لە 80 دۆلار.

ئەمڕۆ پێنجشەممە 16.1.2025، نرخی یەك بەرمیل نەوتی خاوی برێنت لەگەڵ کردنەوەی بازاڕی جیهانیدا بە 82 دۆلار و 25 سەنت مامەڵەى پێوە دەکرێت، لەکاتێدا دوێنێ بە 80 دۆلار و 5 سەنت بوو.

هەروەها نرخی بەرمیلێک نەوتی خاوی تەکساسیش، بە 80 دۆلار و 29 سەنت دیاری کراوە 0.25% بەرزبووەتەوە.

لە چەند رۆژی رابردوودا نرخی نەوت لە بازاڕی جیهانیدا بەشێوەیەکی بەرچاو بەرزبووەوە و شارەزایانی ئابووریش پێیانوابوو، ئەگەری سەپاندنی سزای زیاتر بەسەر روسیادا لەلایەن ئەمریكاوە، نرخی نەوتی بەرزکردووەتەوە.