ساڵی 2024 زیاتر لە 21 هەزار تۆن کاڵا لە مەرزی ئیبراهیم خەلیل دەستیان بەسەرداگیراوە - وێنە: بەڕێوەبەرایەتی دەروازەی نێودەوڵەتی ئیبراهیم خەلیل
"گونجاو نەبوون بۆ بەکارهێنان"
زیاتر لە 21 هەزار تۆن کاڵا لە مەرزی ئیبراهیم خەلیل دەستیان بەسەرداگیراوە
964+
شۆڕش قادری
ساڵی رابردوو زیاتر لە 21 هەزار تۆن کاڵا لە دەروازەی نێودەوڵەتی ئیبراهیم خەلیل دەستیان بەسەرداگیراوە، بەشێکیان گەڕێندراونەتەوە و بەشێکی دیکەشیان لەناوبراون.
بەپێی راگەیەنراوێکی بەڕێوەبەرایەتی ده‌روازه‌ى نێوده‌وڵه‌تى ئیبراهیم خه‌لیل، “لە ساڵی 2024ـدا 21 هەزار و 461 تۆن كه‌ره‌سته‌ى جۆراوجۆر له تاقیگه و لیژنە پەیوەندیدارەکانی سەر بە بەڕێوەبەرایەتییەکە پەسەند نەکراون، کە زۆربەیان گەڕێندراونەتەوە ئەو دیو سنوور و به‌شێكی دیکەشیان له‌ناوبراون، لەبەرئەوەی ئەو کەرەستانە له‌گه‌ڵ رێنماییه‌كانى حكومه‌تى هه‌رێمى كوردستان نه‌گونجاون”.
ئاماژە بەوەشکراوە، زۆربەی ئەو کەلوپەلانە، دەرمان و پێداویستی پزیشکی، ڤێتەرنەری، کشتوکاڵی، خۆراک و كه‌ره‌سته‌ى بیناسازى بوون.
گرفتەکانی دەروازەی ئیبراهیم خەلیل چارەسەردەکرێن
