زیاتر لە 178 تۆن کاڵای خراپبوو لە چەمچەماڵ دەستی بەسەرداگیراوە

964+

شۆڕش قادری

زیاتر لە 178 تۆن کاڵای خراپبوو لە چەمچەماڵ لە ساڵی رابردوودا دەستی بەسەرداگیراوە و لەناوبراون، 90 شوێنیش بەهۆی پابەندنەبوون بە رێنماییەکانی تەندروستی داخراون.

بەڕێوەبەرایەتیی تەندروستیی چەمچەماڵ ئاماری کار و چالاکییەکانی تیمەکانی چاودێریی تەندروستی و لیژنە هاوبەشەکانی قایمقامییەتی لە ساڵی رابردوودا بڵاوکردەوە و دەڵێت، “ساڵی 2024 تیمەکانمان 215 دەرچوونیان بۆ ناوبازاڕ و شوێنە گشتییەکانی چەمچەماڵ ئەنجامداوە و چوار هەزار و 514 شوێنیان بەسەرکردووەتەوە بەمەبەستی پێدان و ئاگاداربوون لە پابەندبوون و رەچاوکردنی رێنمایی و مەرجە تەندروستییەکان”.

ئاماژەیان بەوەش کردووە، ساڵی رابردوو 178 هەزار و 800 کیلۆگرام کاڵا و شمەکی خراپبوو لە چەمچەماڵ دەستی بەسەرداگیراوە و لەناوبراون، 90 شوێن داخراون و 177 شوێنیش سزا دراون.

بەڕێوەبەرایەتیی تەندروستیی چەمچەماڵ راشیگەیاندووە، ساڵی 2024 تیمەکانیان 618 شوێنیان بۆ دواجار ئاگادارکردووەتەوە، کە پابەندی رێنماییەکان نەبوون و لەکاتی دووبارەبوونەوەیان لە پابەندنەبوون و سەرپێچی، سزادەدرێن.

بۆنی غاز دانیشتووانی گەڕەکێکی چەمچەماڵی هەراسان کردووە

سەرجەم خاوەن مۆلیدەکانی چەمچەماڵ دەستگیرکران