دیمەنی تەواو بوونی نۆژەنکردنەوەی بەشێک لە دوکانەکانی بازاڕی قەیسەری.وێنە.پارێزگای هەولێڕ
خاوەنەکانیان دەگەڕێنەوە ناویان
105 دوکانی بازاڕی قەیسەری هەولێر نۆژەنکردنەوەیان تەواو بوو
964+
توانا نەقی
لە کۆی 227 دوکانی بازاڕی قەیسەری هەولێر دوای سووتانی کاری نۆ ژەنکردنەوە بۆ 105 دانەیان تەواو بووە و ئەوانی دیکەشی لە قۆناغی کۆتاییدایە.
ئەمڕۆ دووشەممە، پارێزگای هەولێر بڵاویکردەوە، بەهۆی ئاگرەکەی مانگی 5ـی 2024، 227 دوکان و حەوت کۆگا سووتان ئێستا کاری نۆژەنکردنەوە بۆ 105 دوکانیان بە تەواوەتی تەواو بووە و خاوەنەکانیان دەگەڕێنەوە ناوی.
دەشڵێت، تێچووی نۆژەنکردنەوەی سەرجەم دوکانەکان پێنج ملیار و 300 ملیۆن دیناری بۆ تەرخانکراوە.
کارکردن لە نۆژەنکردنەوەى دوکانەکانى تر و بازاڕەکەش لە قۆناغی کۆتاییدایە و لە نزیکترین کاتدا بازاڕەکە بەتەواوەتى بە ڕووی هاوڵاتیان دەکرێتەوە و دوکاندار و کاسبکارانیش دەست بە کار و کەسابەتی خۆیان دەکەنەوە، پارێزگای هەولێر وا دەڵێت.
شەوی 5.5.2024 ئاگرێکی گەورە لە بەشێکی بازاڕی قەسەری هەولێر کەوتووە و بەهۆیەوە 227 دوکان و حەوت کۆگا سووتان.
