رێگەکە داخراوە
پردەکەی شاوراوە بەهۆی تیژڕەوی بارهەڵگرێکەوە داکەوتووە
+964
ئاکام غەفور-سۆران
لە ماوەی کەمتر لە دوو هەفتە، دوو پردی ئیدارەی سۆران بەهۆی شکانیان داخران.
ئەمڕۆ دووشەمە 6.1.2025 پردی شاوراوە، کە رێگای سەرەکی بەیەک بەستنەوەی کۆمەڵێک گوند و ئیدارەی سۆرانە چەند پلێتێکی شکا و بەهۆیەوە هاتوچۆکردن بە سەر پردەکەدا داخرا.
چەند شایتحاڵێک بۆ پەیامنێری 964 قسەیان کردووە و بە وتەی ئەوان، بارهەڵگرێک بە خێراییەکی زۆر بەسەر پردەکە تێپەڕیوە و چەند پلێتێکی پردەکە شکاوە.
پردی شاوراوە، پردێکی تاک سایدە، هاتوچۆیەکی زۆری بەسەرەوەیە، خەڵکی گوندەکان بەو رێگایە دەگەن بە سۆران و بینای هەر یەک لە ئیدارەی سەربەخۆ، بەڕێوەبەرایەتی هاتوچۆ و زانکۆی سۆران.
پێداچوونەوە: ژێوار خدر
