گەڕەکی بنەسڵاوەی هەولێر - وێنە: وەزارەتی شارەوانی و گەشتوگوزار
تەنیا 15٪ـی داهاتەکە بۆ پڕۆژەکان خەرج کراوە
داهاتی شارەوانی هەولێر لە ساڵی رابردوودا زیاتر لە 15 ملیار دینار بووە
964+
شۆرش قادری
ساڵی رابردوو شارەوانی هەولێر زیاتر لە 15 ملیار دینار داهاتی هەبووە و تەنیا 15٪ـی داهاتەکە بۆ پڕۆژەکان خەرج کراوە.
مەریوان حاکم هادی بەڕێوەبەری گشتی شارەوانییەکانی هەولێر بە 964ـی وت، “ساڵی 2024 داهاتمان 15 ملیار و 945 ملیۆن و 913 هەزار و 959 دینار بووە و لەو بڕەش تەنیا 15٪ـی لە پڕۆژەکاندا خەرج کراوەتەوە”.
“جگە لەو 15٪یە، هەموو ئەو بڕە پارەی دیکە کە دەکاتە 85٪ـی داهاتی بەڕێوەبەرایەتی گشتی شارەوانییەکانی هەولێر، بۆ حکومەتی هەرێمی کوردستان گەڕاوەتەوە”، مەریوان حاکم هادی وای وت.
ئاماژەی بەوەشکرد، ساڵی رابردوو 157 پڕۆژەیان لە سنووری سەرۆکایەتی شارەوانی هەولێر جێبەجێ کردووە.
هەڵمەتی لابردنی زیادەڕۆیی لە چەند شوێنێکی هەولێر بەڕێوەچوو
