دەروازەی نێودەوڵەتی پەروێزخان
"دەبێ 50٪ـی هەناردەی ئێران لە مەرزەکانی ئێمەوە بێت"
کرماشان دەیەوێ هەناردەی ساڵانەی بۆ هەرێم و عێراق بگەیەنێتە پێنج ملیار دۆلار
964+
شۆڕش قادری
پارێزگاری کرماشان رایگەیاند، لە هەوڵی ئەوەدان 50٪ـی هەموو هەناردەی ئێران بۆ هەرێمی کوردستان و عێراق لە مەرزەکانی ئەوانەوە ئەنجام بدرێت و ساڵانە بگاتە پێنج ملیار دۆلار.
ئاژانسی هەواڵی ئیرنا لەزاری مەنوچێهر حەبیبی پارێزگاری کرماشان بڵاویکردووەتەوە، “دەروازە نێودەوڵەتییەکانی پەروێزخان و مونزەرییە و هەروەها مەرزەکانی سومار و شۆشمێ و شیخ سەلە لە پارێزگای کرماشان توانستێکی باشیان بۆ پەرەپێدانی بازرگانیی دەرەکی هەیە و بۆ گەیشتن بەو ئامانجە، دەبێ هەوڵی زیاتر بدرێت”.
“یەکێک لە ئامانجەکانی پەرەپێدانی بازرگانیی دەرەکی پارێزگاکەمان، گەیشتن بە پشکی 50٪ـی هەناردەی هەمووی ئێرانە بۆ هەرێمی کوردستان و عێراق”، حەبیبی وای وتووە.
ئاماژەی بەوەشکردووە، بەپێی ئامارەکان، ساڵانە بایی نزیکەی سێ ملیار دۆلار کاڵای نانەوتی لە مەرزەکانی کرماشانەوە هاوردەی هەرێمی کوردستان و عێراق کراوە و دەبێت لە ساڵانی داهاتوو، ئەو ژمارەیە بگاتە پێنج ملیار دۆلار.
پارێزگای کرماشان لە رۆژهەڵاتی کوردستان، بەدرێژی زیاتر لە 371 کیلۆمەتر مەرزی هاوبەشی لەگەڵ هەرێمی کوردستان و عێراق هەیە و خاوەنی دوو دەروازەی نێودەوڵەتیی فەرمی پەروێزخان و مونزەرییە و پێنج بازاڕچەی مەرزیی چالاکە.
سێ ملیۆن و 75 هەزار تۆن کاڵا لە کرماشانەوە هاوردەی هەرێم و عێراق کراوە
چوار بەرپرسی مەرزی پەروێزخان بەتۆمەتی گەندەڵی دەستگیر کران
