وێنەى ئەو گەنجەى لە دوێنێوە بێ سۆراغە و ماڵیان لە سلێمانییە.
لە شەوى رابردووەوە لە ماڵ دەرچووە و نەگەڕاوەتەوە
گەنجێکى سلێمانى لە دوێنێوە بێ سۆراغە
964+
وریا فەتاح
گەنجێکى شارى سلێمانى لە دوێنێوە لە ماڵ دەرچووەوە نەگەڕاوەتەوە، کەسوکارەکەشى لە 964ـەوە داواى بەهاناوەچوون دەکەن بۆ دۆزینەوەى.
گەنجەکە ونبووەکە ناوى ئارە ئیدریس ساڵحە.
هەردى ئازاد، خاڵى ئەو گەنجەیە و بۆ 964 قسەى کرد و وتى،”لە دوێنێ شەوەوە کوڕەکەیان رۆشتووەتە دەرەوە و تائێستا نەگەڕاوەتەوە و چارەنووسى نادیارە”.
“گەنجەکە تەمەنى 18 بۆ 20 ساڵە و پۆلى 12ـى زانستییە”، خاڵى واى وت.
باسى لەوەشکرد، کوڕەکەیان هیچ کێشەیەکى نەبووە لە ماڵەوە، بەڵام لەو کاتەوەى رۆشتووەتە دەرەوە تەلەفونى داخراوە و هیچ لە هاوڕێکانیشى سۆراغى نازانن، هەرچەند پۆلیس و دەزگا ئەمنییەکانیان ئاگادار کردووەتەوە، بەڵام تا ئێستا هیچ سۆراغێکى دەرنەکەوتووە.
خاڵى ئەو گەنجە لە رێگەى 964ـەوە داواى هاوکارى دەکات و دەڵێت، هەرکەسێک زانیارى لەبارەوە دەزانێت لە رێگەى ئەم ژمارە مۆبایلەوە (07702206692)، ئاگاداریان بکاتەوە.
وێنەى گەنجەکە لەسەر رەزامەندى کەسوکارەکەى بڵاوکراوەتەوە.
