742 هەزار تۆن بەرهەمی کشتوکاڵی لەڕێی پەروێزخان و مونزەرییەوە هاوردە کراوە

964+

شۆڕش قادری

لە ماوەی نۆ مانگدا 742 هەزار تۆن بەرهەمی کشتوکاڵی لەڕێی مەرزەکانی پەروێزخان و مونزەرییەوە هاوردەی هەرێمی کوردستان و عێراق کراوە.

ئاژانسی هەواڵی ئیرنا لەزاری جەبار خودامواردی بەڕێوەبەری کشتوکاڵی قەسری شیرین بڵاویکردووەتەوە، “لە 21.3.2024 تا 21.12.2024، 742 هەزار تۆن بەرهەمی کشتوکاڵی لەڕێی دەروازە سنوورییەکانی پەروێزخان و مونزەرییەوە، هەناردەی هەرێمی کوردستان و عێراق کراوە و بەراورد بە ساڵی رابردوو لەو کاتەدا رێژەکە 36٪ زیادی کردووە”.

ئاماژەی بەوەشکردووە، زۆربەی ئەو بەرهەمانەی هاوردەی هەرێمی کوردستان و عێراق کراون، میوە و تەماتە و سەوزەوات بوون.

هەردوو دەروازەی نێودەوڵەتی پەروێزخان و مونزەرییە دوو لە مەرزە فەرمییەکانی نێوان هەرێمی کوردستان و ئێرانن کە پەروێزخان کەوتووەتە نێوان قەزای کەلار و شاری قەسری شیرینـی سەر بە پارێزگای کرماشان  و مونزەریەش لە نێوان خانەقین و قەسری شیرین لە رۆژهەڵاتی کوردستانـدایە.

دەروازەی مونزەریە گیرا و گەنج و خاوەنکارانی خانەقین نیگەرانن

نزیکەی یەک ملیۆن و 260 هەزار تۆن کاڵا لە پەروێزخانەوە هاوردە کراوە

چوار بەرپرسی مەرزی پەروێزخان بەتۆمەتی گەندەڵی دەستگیر کران