نۆ ساڵ تێپەڕی بەسەر مەرگی حاجی مەکیدا
“تۆ تاقە کچی منی تا مردن”
964+
دیلان محەمەد
نۆ ساڵ تێپەڕدەبێت بەسەر کۆچی دوایی حاجی مەکیدا و کچەکەشی گلەیی لە هونەرمەندان هەیە و دەڵێت، باوکم خاوەنی یەکەم فیلمی سینەمایی کوردیە.
لە ژێر ناونیشانی تەمەنێک لە هونەر و داهێنان رێورەسمێکی تایبەت بە یادی نۆ ساڵەی کۆچی حاجی مەکی لە سلێمانی بەڕێوەچوو، لانە مەکی لە لێدوانێکی تایبەتدا بۆ 964 وتی، باوکم هەموو شتێکی بۆ ئێمە یادگاریە، بەڵام هەمیشە پێی دەوتم تا مردن تۆ کچە تاقانەکەی منی، گلەیم هەیە لە هونەرمەندان کە باسی ئەوە ناکەن باوکم خاوەنی یەکەم فیلمی سینەمایی کوردیە”
کچەکەی حاجی مەکی باسی لەوەشکرد بەرلە مردنی باوکی سیناریۆی فیلمی پێشمەرگەی نوسیووە، بەڵام بە تەواونەکراوی ماوەتەوە.
محەمەدی حاجی مەکی لە تەمەنی 76 ساڵی لە ساڵی 2015 لە سلێمانی کۆچی دوایی کردووە.
پێداچوونەوەی: پەری ساڵح
