لە سۆران
تەمومژ ئۆتۆمبێلێکی خستە سەر پشت
964+
ژێوار خدر
لە درەنگانی شەوی رابردووەوە تەمومژێکی زۆر سنووری ئیدارەی سۆرانی گرتووەتەوە، هاتوچۆی سۆرانیش هۆشداری دایە شۆفێران ئەگەر زۆر پێویست نەبوو هاتوچۆ نەکەن، هەر بەم هۆیەشەوە ئەمڕۆ ئێوارە چوارشەممە 25.12.2024، ئۆتۆمبێلێک بەهۆی تەمومژ و کەمبوونەوەی مەودای بینینەوە لەسەر رێگە لایدا و کەوتە سەرپشت و دوو کەسیش بەهۆیەوە بریندرا بوون.
بەڕێوەبەرایەتی هاتوچۆی سۆران رایگەیاند، ئۆتۆمبێلێکی جۆری نیسان سەنی تووشی رووداوێکی ھاتوچۆ لە جۆری لادان لە رێگە و وەرگەران بووە، لە گەڕەکی بەختیاری قەزای سۆران.
دەشڵێت، لە ئەنجامی رووداوەکە دوو کەس برینداربوون، هۆکاری رووداوەکەش تەمومژی رێگەکە و پابەندنەبوونی شۆفێرەکە بە رێنماییەکانی هاتوچۆوە بووە.
