تەقینەوەیەک روویدا؛ دوو کەس گیانیان لەدەستدا و چواری دیکەش برینداربوون

964+

شۆڕش قادری

لە شاری منبج تەقینەوەیەک روویدا و بەهۆیەوە دوو کەس گیانیان لەدەستدا و چواری دیکەش برینداربوون.

ئاژانسی هەواڵی هاوار نیوز بڵاویکردووەتەوە، “لە گەڕەکی بەریدـی شاری منبج تەقینەوەیەک لەلایەن گروپە چەکدارەکانی نزیک لە تورکیا روویداوە و لە تەقینەوەکەدا دوو کەس گیانیان لەدەستداوە و چواری دیکەش برینداربوون”.

ئاماژە بەوەشکراوە، تەقینەوەکە لەڕێی بۆمبێکی لێکاو بە ئۆتۆمبێلێکەوە روویداوە.

دوای رووخانی رژێمی سوریا لە 8.12.2024 شەڕ و پێکدادانی نێوان هێزە کوردییەکان و گروپەکانی نزیک لە تورکیا لە رۆژئاوای کوردستان پەرەی سەندووە و هێرشە ئاسمانییەکانی تورکیاش بۆ سەر گوندەکانی دەورووبەری کۆبانێ و منبج زیاتر بووە.

ئەنجومەنی سەربازیی منبج: دەیان چەکداری نزیک لە تورکیامان کوشتووە

ئاگربەستی نێوان هێزە کوردییەکان و گروپەکانی نزیک لە تورکیا لە منبج درێژکرایەوە