دیمهنی فهرمانبهرێك له‌كاتى وهرگرتنى سمپڵی ئاو بۆ پشكنین... وێنه: ئاوى ده‌وروبه‌رى هه‌ولێر.
بیره ئاوه‌كانى ده‌وروبه‌رى هه‌ولێر پاك و سه‌لامه‌تن
“له‌كاتى دیاریكراودا كلۆر بۆ بیره‌كان به‌كارنه‌هێندرێت لێپرسینه‌وه ده‌كه‌ین”
964+
فه‌رهاد حه‌سه‌ن
له هه‌ولێر تیمێكی به‌رێوه‌به‌رایه‌تى ئاوى ده‌وروبه‌ر هه‌یه به‌شێوه‌یه‌كی به‌رده‌وام به‌سه‌ر بیره ئاوه‌كانى ده‌وروبه‌رى هه‌ولێر ده‌گه‌ڕێن و كلۆر به‌سه‌ر بیره‌كاندا دابه‌ش ده‌كه‌ن، به‌ڕێوه‌به‌ره‌كه‌شیان ده‌ڵێت، له‌كاتى خۆیدا كلۆره‌كه به‌كار نه‌هێنن لێپرسینه‌وه‌یان له‌گه‌ڵدا ده‌كرێت.
دوایین سه‌ردانى تیمه‌كان بۆ ژماره‌یه‌ك بیرى قه‌زاى قوشته‌په و ناحیه‌كانى شەمامک، بالیسان، خەبات، مەخمور و كه‌ورگۆسك بوو دواى به‌سه‌ركردنه‌وه‌ی بیره‌كان سمپڵى ئاوى ئه‌م بیرانه‌شیان وه‌رگرتووه بۆ ئه‌وه‌ى پشكنینه‌كانى كیمیایی و بایلۆجیان بۆ بكرێت.
رێزان سه‌عدى، به‌ڕێوه‌به‌رى ئاوى ده‌وروبه‌رى هه‌ولێر بۆ 964 دووپاتیده‌كاته‌وه كه هیچ جۆره پیسبونێك له ئاوى بیره‌كاندا نییه و ئه‌و پشكگنینانه‌ش كگه ده‌كرێت بۆ زیاتر سه‌لامه‌تى هاوڵاتیان و به‌دواداچوونی خۆیانه بۆ به‌كارهێنانى كلۆر له بیره‌كاندا.
وتیشی “بیره‌كانى ناو سه‌نته‌رى هه‌ولێر په‌یوه‌ندی به ئێمه‌وه نییه، به‌ڵام بیره‌كانى ده‌وروبه‌ر كه ئێمه سه‌رپه‌رشتى و چاودێریان ده‌كه‌ین هه‌موویان پاك و سه‌لامه‌تن”.
باسی له‌وه‌شكرد، سه‌رجه‌م به‌رپرسانى فه‌رمانگه‌ى ئاو و كارپێكه‌رى بیره‌كان و سه‌رپه‌رشتیارانی بیره‌كانیان ئاگاداركردووه‌ته‌وه كه ئه‌و كلۆره‌ى پێیان ده‌درێت پێویسته له‌كاتى ددیاریكراوى خۆیدا بۆ بیره‌كان به‌كاریبهێن، هه‌ر دواكه‌وتنێك له‌وه هه‌بێت لێپرسینه‌وه‌یان له‌گه‌ڵدا ده‌كرێت.
