"به‌بێ رێنمایی ژینگه‌یی كار ده‌كه‌ن"
به‌دواداچوون بۆ چه‌ند كارگه‌یه‌كی سۆران ده‌كرێت كه دوكه‌ڵ بڵاوده‌كه‌نه‌وه
964+
فه‌رهاد حه‌سه‌ن
له سۆران به‌دواداچوون بۆ چه‌ند كارگه‌یه‌كی ئیداره‌ى سۆران ده‌كرێت، كه دووكه‌ڵ به‌سه‌ر سه‌نته‌رى ئیداره‌كه بڵاوده‌كه‌نه‌وه و ژینگه‌ش ده‌ڵێت، به بێ رێنماییه‌كانیان كارده‌كه‌ن.
بڕیاره سبه‌ى فه‌رمانگه‌ى ژینگه‌ى سۆران له‌گه‌ڵ پۆلیس و لیژنه‌یه‌كی شاره‌وانى ئه‌م كارگانه به‌سه‌ربكه‌نه‌وه و له هۆكارى دووكه‌ڵكردنه‌كه‌یان بكۆڵنه‌وه و بڕیاری پێویستیان له‌باره‌وه بده‌ن.
هه‌ژار ماهیر، به‌ڕێوه‌به‌رى فه‌رمانگه‌ى ژینگه‌ى سۆران به 964ـى راگه‌یاند، سبه‌ى سه‌ردانى ئه‌م كارگانه ده‌كه‌ن و رێكارى پێویستیان له‌به‌رامبه‌ر ده‌گرنه به‌ر.
وتیشی “كارگه‌گان سێ دانه‌ن، كارى به‌رهه‌مهێنانى چه‌و و لم ده‌كه‌ن، زۆر نزیكن له سنوورى شاره‌وانییه‌وه و ئاسمانى سنووره‌كه‌یان پیسكردووه”.
به‌پێی رێنماییه ژینگه‌ییه‌كان پێویسته كارگه‌كان لانیكه‌م 500 مه‌تر له سنوورى ئاوه‌دانى شاره‌وانییه‌كان دوور بن، به‌ڵام هه‌ژار ده‌ڵێت دوور ئه‌م كارگانه زۆر كه‌متره و ته‌نانه‌ت كه‌وتوونه‌ته سه‌ر رێگایه‌كی سه‌ره‌كى كه هاوڵاتیان هاتوچۆى پێدا ده‌كه‌ن و له نزیكى كه‌مپسی زانكۆى سۆرانیشه.
دوكه‌ڵكردن و ژاوه‌ژاو خاوەنى پێنج مولیده‌ى له هه‌ولێر دایه دادگا
