پەیامنێرمان نامەیەکی نارد؛ لە بەردەم دەرمانخانەیەک تەقینەوە روویداوە

964+
کاروان ساڵحی

پەیامنێری 964 لە پارێزگای کەرکوک بە نامەیەک ئاگاداری کردین، لە پشتراستی کردووەتەوە، لە نزیک دەرمانخانەیەک لە قەزای داقوق بۆمبێکی چێندراو تەقیوەتەوە و ئێستا دەزگا ئەمنییەکان بەرەو شوێنی تەقینەوەکە دەچن.

نوێکردنەوە  PM 11:30 خولەک؛

دەرکەوت بۆمبەکە دەنگی بووە و لە نزیک ژمارەیەک گەنجی داقوق و لە نزیک دەرمانخانەی سەرمەد و دوکانێکی کەلوپەلی بیناسازی لە گەڕەکی خۆرز لە قەزای داقوق تەقیەوەتەوە.

تەقینەوەکە تەنیا زیانی مادی لێ کەوتووەتەوە، زیانی مادی بەر دوو ئۆتۆمبێل و دوکانێک کەوتووە.

رووداوەکە بە دیاری کراوی کاتژمێر 11:00ی ئەمشەو پێنجشەممە 12.12.2024 روویداوە، سەرچاوەیەک لە پۆلیسی داقوق بە964ـی وت، لە گەڕەکی خۆرز ژمارەیەک گەنج شەوانە لە بەردەم دوکانی دەرمانخانەیەک و دوکانێکی کەلوپەلی بیناسازی  کۆدەبنەوە یاری دۆمینە دەکەن، لەلایەن کەسانی نەناسراوە لەنزیک ئۆتۆمبێلەکانیان بۆمبەکە تەقێندراوەتەوە.

وتیشی، زیان بەر دوو ئۆتۆمبێل و یەکێک لەدوکانەکان کەوتووە. سەرچاوەکەی 964 وتیشی، لە ئێستادا هێزە ئەمنیەکان سەرقاڵی لێکۆڵینەوەن لە هۆکار و تۆمەتباری تەقینەوەکە.

لە نێوان کەرکوک و سەڵاحەدین، خورماتوو بێ نەوت ماوەتەوە

وەزعەکە بوویەوە بە کەمپین؛ سلێمانی و کەرکوک خەمی رۆژئاوایانە