دیمهنێكی كاتى دابه‌شكردنى هاوكارییهكان به‌سه‌ر ژینگهپارێزاندا... وێنه: سۆشیاڵ میدیاى JCC ـى هه‌ڵه‌بجه.
پلانى داهاتوویان بۆ ماڵه هه‌ژاره‌كانه
سه‌به‌ته‌ى خۆراك به‌سه‌ر ژینگه‌پارێزانى چوار ناحیه‌ى هه‌ڵه‌بجه دابه‌شكرا
964+
فه‌رهاد حه‌سه‌ن
ماوه‌یه‌كه هه‌ڵمه‌تى دابه‌شكردنى سه‌به‌ته‌ى خۆراك به‌سه‌ر توێژى جیاواز له هه‌ڵه‌بجه ده‌ستیپێكردووه، ئه‌مجاره ژینگه‌پارێزانى ناحیه‌كان لێی سوودمه‌ند بوون و پلانى داهاتووش بۆ ماڵه هه‌ژار و كه‌مده‌ره‌امه‌ته‌كانى سه‌نته‌رى ئه‌م پارێزگایه‌یه.
ئه‌م هه‌ڵمه‌ته له‌لایه‌ن بەڕێوەبەرایەتی کۆچ و کۆچبەران و وەڵامدانەوەی قەیرانەکانى هەڵەبجە JCC یه‌وه، جێبه‌جێده‌كرێت.
فریاد نه‌جمه‌دین، به‌ڕێوه‌به‌رى JCCـى هه‌ڵه‌بجه، به 964ـى راگه‌یاند هه‌ڵمه‌تى ئه‌مجاره‌یان بۆ ژینگه‌پارێزانى ناحیه‌كانى خورماڵ، سیروان، بیارە و بەمۆ بووه، كه 126 كه‌س له‌و ژینگه‌پارێزانه سه‌به‌ته‌ى خۆراكیان پێدراوه.
وتیشی “ئەم هاوکاریانە له‌لایه‌ن ئاژانسی THW ی ئەڵمانی لە رێگای ناوەندی هاوبەشی هەماهەنگی قەیرانەکان دابینكراوه و پلانى داهاتووشمان بۆ ئه‌و خێزانه هه‌ژار و كه‌مده‌رامه‌تانه‌ن كه له‌ناو سه‌نته‌رى پارێزگا ده‌ژین”.
ئاماژه‌ى به‌وه‌شكرد، پێشتر هه‌مان ئه‌م هاوكاریانه به‌سه‌ر ژینگه‌پارێزانى سه‌نته‌رى شار و به‌شه ناوخۆییه‌كانى كوڕان و كچانى زانكۆى هه‌ڵه‌بجه دابه‌شكراون.
ئۆفیسێكی تایبه‌ت بۆ هاوكارى ئه‌و هاوڵاتیانه ده‌كرێته‌وه كه له ئه‌وڕوپا و ئه‌مریكا ده‌گه‌ڕێنه‌وه
هەڵەبجە بەشدارى لە کۆبونەوەی تۆڕی شارە بەهێزەکان كرد
گروپێكی خۆبه‌خش به پاره و JCC یش به سه‌به‌ته‌ى خۆراك هاوكارى خوێندكارانى زانكۆى هه‌ڵه‌بجه ده‌كه‌ن
