تێکدانى ژینگە لە سنوورى پێنجوێن...وێنە: پۆلیسى دارستان و ژینگە
لە چوار رۆژدا
هەشت هاوڵاتى لە سنوورى پێنجوێن لەسەر زێدەڕۆیى تێکدانى ژینکە دەستگیرکراون
964+
وریا فەتاح
تەنیا لە چوار رۆژى رابردوودا، لە سنوورى پێنجوێن هەشت هاوڵاتى لەسەر تێکدانى ژینگە و هەڵکەندنى بیر و زێدەڕۆییکردنە سەر موڵکى گشتى دەستگیرکراون.
بەپێى راگەیەنراوى پۆلیسى دارستان و ژینگەى سلێمانى، مەفرەزەکانیان لە سنوورى گوندى راوگا توانیویان سێ تۆمەتباربەهۆکارى زەیادەڕەوى دەستگیربکەن و هاوکات دەستگیرا بەسەر ئامێرێکى شۆفڵدا .
هاوکات لە رۆژى 7.12.2024، لەلایەن مەفرەزەیەكی بەشی پۆلیسی دارستانی پێنجوێن و بە هاوکاری ئاسایشی قەزای پێنجوێن لە سنوری گوندی ئاڵیاوا سێ هاووڵاتی بە تۆمەتی هەڵکەندنی بیر دەستگیر کران و دەستیشگیراوە بەسەر ئامێرێکی بیرهەڵکەندن.
رۆژى 9ـى ئەم مانگەش، لە گوندى ساگوێز، دوو هاوڵاتى کە هەستابوون بە تێکدان و تەختکردنى و شێواندنى زەوى و لەناوبردنى دارى سروشتى، دەستگیرکران و حەفارەیەکیش دەستى بەسەرداگیراوە.
