لە سەرجەم پارێزگا و ئیدارە سەربەخۆکان
کارگەیەکی بەرهەمهێنانی شیرەمەنی 26 لقی تازە دەکاتەوە
964+
ژێوار خدر
کارگەیەکی بەرهەمهێنانی بەرهەمە شیرەمەنییەکان لە سۆرانە و بڕیارە 26 لقی تازە لە سەرجەم پارێزگا و ئیدارە سەربەخۆکانی هەرێمی کوردستان بکاتەوە و هەلێکی زۆری کاریش بۆ گەنجان دەڕەخسێنێت.
بەڕێوەبەرایەتی گشتی وەبەرهێنانی سۆران ئەمڕۆ دووشەممە 9.12.2024 رایگەیاند، پڕۆژەی کارگەی زووم بۆ بەرهەمهێنانی بەرهەمە شیرەمەنیەکان، دەکەوێتە ئیدارەی سەربەخۆی سۆران قەزای مێرگەسۆر و بڕیارە 26 لقی تازە لە گشت پارێزگا و ئیدارە سەربەخۆکانی هەرێمی کوردستان بکاتەوە.
دەشڵێت، بەو هۆیەی لە وەرزی زستان بەرهەمی شیر کەمدەکات پلان وایە ساڵی داهاتوو، شوێنی بەخێوکردنی مانگای شیر بۆ پێکهاتەی پڕۆژەکە زیاد بکرێت.
روونیشیکردووەتەوە، پڕۆژەکە یەکێکە لە پڕۆژە گرنگەکانی ناوچەکە، 240 هەلی کاری راستەوخۆ و سەدان هەلی کاری ناڕاستەوخۆی بۆ گەنجان رەخساندووە، بووەتە هۆی بوژاندنەوەی ژێرخانی ئابووری و ساغکردنەوەی بەرهەمی شیری خۆماڵی ئاژەڵداران وبەرهەمی ناوخۆ.
