عەنکاوە وەک هەمو ساڵێک دەستی کرد بە ئامادەکاری بۆ سەری ساڵ

توانا نەقی

قەزای عەنکاوە لە هەولێر کە کریستیان نشینن و ئاهەنگەکانی سەری ساڵ تاموبۆیەکی جیاوازی هەیە لەوێ هەرلە ئێستاوە دەستکراوە بە ئامادەکارییەکان و رازاندنەوەی شەقامەکان بۆ ئەو رۆژە.

ئەمڕۆ شەممە شارەوانییەکانی هەولێر بڵاویکردەوە، سەرۆکایەتی شارەوانی عەنکاوە، ئامادەکارییەکانی بۆ ساڵی نوێ و جەژنی کریسمس دەستپێکرد، لە چوارچێوەی ئامادەکارییەکانی قەزاکە، وەک نەریتێکی ساڵانە کۆی کۆڵان و شەقامەکان دەڕازێنرێتەوە و رێکدەخرێنەوە.

رازاندنەوەکان کۆڵان و شەقام و کولکەکانی عەنکاوە دەگرێتەوە ئەمە جگە لەوەی دوکان و بازاڕەکان و بەشێک لە ماڵەکانێش خۆیان بۆ جەژنی کریسمس ئامادە دەکەن.

هەر عەنکاوە نا لە ناو هەولێریش ئامادەکارییەکان دەستی پێکردووە و چەند شەقام و شوێنێک رازێندراونەتەوە.