دیمهنێكی سهنتهرى قه‌زاى ته‌قته‌ق... وێنه: سۆشیاڵ میدیاى قایمقامییهت.
ماوه‌ى هه‌فته‌یه‌كه
ته‌قته‌ق لە 24 کاتژمێر یه‌ك كاتژمێر كاره‌باى نیشتمانى هه‌یه
964+
فه‌رهاد حه‌سه‌ن
ماوه‌یه‌كه كاره‌باى نیشتمانى له ته‌قته‌ق و كۆیه به كه‌مى ده‌درێته هاوڵاتیان و قایمقامیش ده‌ڵێت، تێكچوونى یه‌كێك له وێستگه‌كان هۆكارى كه‌مبوونه‌وه‌كه‌یه.
ئاسۆ مسته‌فا، قایمقامى قه‌زاى ته‌قته‌ق به 964 ـى راگه‌یاند، ماوه‌ى هه‌فته‌یه‌كه شه‌وان ته‌نیا یه‌ك كاتژمێر كاره‌بایان هه‌یه و دۆخیان بۆ كاره‌با زۆر خراپه.
وتیشی “به‌دواداچوونم كردووه و وتویانە یه‌كێك له وێستگه‌كان تێكچووه، ئه‌مه‌ش هۆكارى كه‌مبوونه‌وه‌ى كاره‌باكه‌مانه”.
له‌م ماوه‌یه‌دا له هه‌ردوو قه‌زاى كۆیه و ته‌قته‌ق لە کاتژمێر 9:00ـی بەیانیەوە تا کاتژمێر 11:00ـی شەو، تەنیا یه‌ك کاتژمێر کارەبای نیشتمانیان هەبووە.
قایمقامى قه‌زاى ته‌قته‌ق ئاماژه‌ى به‌وه كرد، ئه‌مڕۆ پێیان راگه‌یاندووه كاره‌باى نیشتمانى بۆ سلێمانى كراوه‌ته هه‌شت كاتژمێر و بۆ ئه‌مه‌ش به‌دواداچوون ده‌كه‌ین، هەروەها ده‌ڵێت “ئه‌گه‌ر وابێت ئه‌وا جیاوازى له نێوان شار و ناوچه‌كان ده‌كرێت و ئه‌مه‌ش جێگه‌ى قبوڵكردن نییه”.
