لەسەر رێگەی هەولێر - پیرمام
گەنجێک بەهۆی رووداوێکی هاتوچۆوە گیانی لەدەستدا
964+
شۆڕش هەرکی— هەولێر
ئێوارەی ئەمڕۆ گەنجێکی ماتۆڕسوار لە رێگەی گەڕانەوەی بۆ ماڵ لەسەر رێگەی هەولێر – پیرمام تووشی رووداوێکی هاتوچۆ بوو و راستەوخۆ گیانی لەدەستدا، گەنجەکە دانیشتووی گوندی گڕاوی پیرمامە و تەمەنی 21 ساڵ بووە.
کاتژمێر 6:45ـی ئەمشەو لەسەر رێگای هەولێر- پیرمام لەنزیک پردی بەستۆڕە بەهۆی رووداوێکی هاتوچۆوە گەنجێک گیانی لەدەستدا.
دلشاد مستەفا، شایەتحاڵی رووداوەکە بە964ـی وت، ”ماتۆڕ سوارێک خۆی کێشا بە بارهەڵگرێک لە جۆری کیادا و کەوتە خوارەوە، دواتریش تانکەرێکی دیکە هات و راستەوخۆ کەوت بەسەریدا و دەم و دەست گیانی لەدەستدا و هێزەئەمنییەکان گەیشتنە شوێنی رووداوەکە”.
بەقسەی ئەو شایتەحاڵە، شۆفێری بارهەڵگری تانکییەکە دەستگیرکراوە و تەرمی گەنجەکەش بۆ پزیشکی دادی رەوانەکراوە.
پێداچوونەوە: ژێوار خدر
