بە داشکاندنى 20%ـەوە
ئەو کەسانەى قەرزى بچوکیان لاماوە دەتوانن لە شەش مانگدا بیگەڕێننەوە
964+
وریا فەتاح
وەزارەتى دارایى هەرێم، روونکردنەوە لە بارەى لێخۆشبوون لە رێژەى 20%ـى قەرزى بچووک روونکردنەوە دەدات و دەڵێت، دانەوەى قەرزەکە لەماوەى شەش مانگ دەبێت، قەرزدار سەرپشکە بە یەک گوژمە یان شەش پشکى یەکسان بیداتەوە.
کۆی گشتی ئەو کەسانەی لە پرۆژەی قەرزی بچووک سوودمەند بوون، هەشت هەزار و 136 کەسن، تەنیا 20% قەرزیان لەلا ماوە و ئەوانى تر گەڕاندویانەتەوە.
لە نوسراوەکەدا کە واژۆى ئاوات جەناب نورى، وەزیرى دارایى و ئابورى لەسەرە و بەروارى ئەمڕۆى لەسەرە، تێیدا هاتووە، پاڵپشت بە بڕیارى ئەنجومەنى وەزیران بە ژمارە 254 لە 29.5.2024، بە نوسراوتان ژمارە 7941 لە 24.6.2024، تایبەتە بە لێخۆشبوون بەڕێژەى 20% لە کۆى گشتى پڕۆژەى پێدانى قەرزى بچوک، بەم شێوەیەى لە خوارەوە روونکراوەتەوە:
یەکەم، لێخۆشبوون لە رێژەى 20%، لە کۆى گشتى بەرکەوتەکانى قەرزى نەگەڕاوە لە چوارچێوەى پڕۆژەکانى پێدانى قەرزى بچوک.
دووەم: دانەوەى قەرزەکە لەماوەى شەش مانگ دەبێت، قەرزدار سەرپشکە بە یەک گوژمە یان شەش پشکى یەکسان بیداتەوە.
