داهاتی نانەوتی ئەم هەفتەیەی سلێمانی و هەڵەبجە زیادی کردووە
جیاوازییەکە نزیکەی دوو ملیار دینارە
داهاتی نانەوتی ئەم هەفتەیەی سلێمانی و هەڵەبجە زیادی کردووە
964+
شۆڕش قادری
داهاتی نانەوتی ئه‌م هەفتەیه‌ى سلێمانى و هەڵەبجە زیاتر لە 12 ملیار و 402 ملیۆن دینارە و بەراورد بە هەفتەی پێشوو، نزیکەی دوو ملیار دینار زیادی کردووە.
داهاتی ئەم هەفتەیەی سلێمانی و هەڵەبجە کەمیکردووە
به‌پێی نوێترین داتای ماڵپەڕی شەفافییەت، داهاتی نانەوتیی سنووری سلێمانی و هەڵەبجە و هەردوو ئیدارەی راپەڕین و گەرمیان لە 9.11.2024 تا 15.11.2024 بڕی 12 ملیار و 402 ملیۆن و 266 هەزار و 463 دینارە، ئەوەش لەکاتێکدایە داهاتەکە لە هەفتەی پێشوودا 10 ملیار و 515 ملیۆن و 785 هەزار و 525 دینار بوو.
بەپێی داتاکە، لە داهاتی ئەم هەفتەیەی سلێمانی و هەڵەبجە، بڕی 10 ملیار و 578 ملیۆن و 582 هەزار و 637 دیناری بەشێوەی نەختینە و بڕی یەک ملیار و 823 ملیۆن و 531 هەزار و 976 دیناریشی چەکە.
ساڵى رابردوو به‌گشتى بڕى داهاتى كۆكراوه لە سلێمانی و هەڵەبجە بریتی بووه له یه‌ك ترلیۆن و 173 ملیار و 990 ملیۆن و 914 هه‌زار و 465 دینار.
داهاته كۆكراوه‌كه‌ى ماڵپەڕی شەفافیەت، بریتیه له داهاته نانه‌وتییه‌كانی سلێمانی و هه‌ڵه‌بجه و هه‌ردوو ئیداره‌ی راپه‌ڕین و گه‌رمیان، كه داهاته‌كانی هه‌ر شه‌ش گه‌نجینه‌كه‌ی پارێزگای سلێمانییه، پێكدێن له 28 وه‌زاره‌ت و ده‌سته له‌گه‌ڵ 109 به‌ڕێوه‌به‌راتی گشتی و 516 به‌ڕێوه‌به‌رایه‌تی، هه‌روه‌ها 781 فه‌رمانگه و چوار هۆبه‌ش له‌خۆ ده‌گرێت.
ماڵپەڕی شەفافییەت: داهاتی ئەم هەفتەیەی سلێمانی بۆ نیوە کەمیکردووە
