لیستى ناوه‌كانیان ببینه
34 هاوڵاتى هه‌ولێر ناویان بۆ حه‌ج گه‌ڕاوه‌ته‌وه به‌ڵام موبایله‌كانیان داخراوه
964+
فه‌رهاد حه‌سه‌ن
بەڕێوەبەرایەتی گشتی حەج و عومڕەى هه‌رێمی كوردستان لیستێكی 34 كه‌سی بڵاوكردووه‌ته‌وه ده‌ڵێت، ئه‌م هاوڵاتیانه ناویان بۆ حه‌ج گه‌ڕاوه‌ته‌وه به‌ڵام كاتێك په‌یوه‌ندیان پێوه‌ده‌كه‌ن كوبایله‌كانیان داخراوه یاخود به‌رده‌ست نییه.
داوایان له هاوڵاتیانی پارێزگای هەولێر و دەوروبەری كراوه هەر کەسێک زانیاری لەسەر ئەو ناوانە هەیە یاخود دەیانناسێت ئاگادارییان بکەنەوە و تاوەکو لە نزیکترین کاتدا سەردانی نووسینگەی حەج و عومڕەی پارێزگای هەولێر بکەن.
نیاز شێخ راغب، به‌ڕێوه‌به‌رى گشتى حەج و عومڕەی هه‌رێمی كوردستان به 964ـى راگه‌یاند، ئه‌گه‌ر ئه‌و ناوانه په‌یوه‌ندیان نه‌كرده‌وه ئه‌وان ناچارن ناوى یه‌ده‌گ له شوێنه‌كانیان دابنێن.
وتیشی “ئه‌و 34 هاوڵاتییه له‌ناو ئه‌و پێنج هه‌زار و 120 هاوڵاتییه‌ن كه به‌شدارى حه‌جى ئه‌مساڵ ده‌كه‌ن”.
ئاماژه‌ى به‌وه‌شكرد، له‌دواى مانگى ئایاره‌وه گه‌شتى ئه‌مساڵى 2025ـى حه‌ج ده‌ستپێده‌كات و هه‌موو ئاماده‌كارییه‌كیش كراوه.
