دیمەنێکی ئامێرەکە کە بەرگری شارستانی هەولێر بڵاویکردووەتەوە.
بۆ سه‌لامه‌تى سیستەمی کارەبایی ماڵه‌كانتان
به‌رگرى شارستانى هه‌ولێر ده‌ڵێت “تووڵی بروسکە” به‌كاربهێنن
964+
فه‌رهاد حه‌سه‌ن
به‌رگرى شارستانى هه‌ولێر، وێنه‌ى ئامێرێكی بڵاوكردووه‌ته‌وه و پێناسه‌یه‌كی وردى كردووه كه مه‌ترسییه‌كانى هه‌وره بروسكه له‌سه‌ر هاوڵاتیان به‌تایبه‌تیش له‌ناو ماڵه‌كانیان ناهێڵێت.
ئامێره‌كه ناوى تووڵی بروسکە (مانعه الصواعق)ـه، گۆچانێکی کانزاییە کە بە زەوییەوە دەبەسترێتەوە بە دوو سەری تیژ، یەکێکیان بۆ جێگیرکردنی بە زەوی و ئەوی تریان بۆ کۆکردنەوە و راکێشانی بارگاوی.
ئامێره‌كه، تەزووی کارەبایی گەورە هەڵدەمژێت کە بەهۆی هەورە بروسکەوە دروست دەبێت و ئامێر و ئامێرە کارەباییەکان دەپارێزێت لە بەرزبوونەوەی ڤۆڵتیی دروستکراوی توخمەکان.
ئاماژه‌ى به‌وه‌كردووه، كه به‌هۆى به‌كارهێنانى ئه‌م ئامێره‌وه ماڵەکەت لە زیانی کارەبایی لە کاتی هەورە تریشقە ده‌پارێزێت و ده‌ڵێت “زۆر گرنگە بۆ رێگریکردن لە زیانگەیاندن بە سیستەمی کارەبایی، ئامێرەکان و ئامێرە کارەباییەکان”.
روونیشیكردووه‌ته‌وه، كه ئه‌م ئامێره یارمەتیده‌ر ده‌بێت بۆ کەمکردنەوەی مەترسی زیانەکانی پەیوەست بە هەورە تریشقە و باشترین رێگایە بۆ پاراستنی شتە بەنرخەکان و پاشەکەوت کردنی تێچووی چاککردنەوەی زیانەکان.
