بچوکن و بە فراوانى بڵاوبوونەتەوە
جۆرە حەشەڕاتێک تەنگى بە دانیشتووانى چەند گوندێکى خانکێ هەڵچنیووە
964+
هیڤی دێوالی-دهۆک
ماوەى چوار رۆژە جۆرە مێروچکەیەک (حەشەرات)ى بچوک بە بەرفراوانى لەناو گوندەکانى دەوروبەرى ناحیەى خانکێ بڵاوبوونەتەوە و تەنگیان بە خەڵ هەڵچنیوە، بەڕێوەبەرى ناحیەى خانکێش دەڵێت، لیژنەیان پێکهێناوە و دەرکەوتووە کە مەترسیدار نین.
ئەو گوندانەى حەشەراتەکەیان تێدا بڵاوبووەتەوە ئەمانەن (قسرێزدینا کەڤن و سورکا کەڤن و گودبا گەڤن و دەروازەى ناحیەى خانکێ).
حەشەراتەکان بچووکن و رەنگیان رەشە و بە فراوانى بڵاوبوونەتەوە، بەپێى ئەو گرتە ڤیدیۆییانەى هاوڵاتیان بۆ 964یان ناردووە، دەردەکەوێت بە کۆمەڵ بەسەر دار و دیوار و رێگاکانى ناوچەکەدا، بڵاوبوونەتەوە.
زەردەشت شێخ شامو، بەڕێوەبەری ناحیەی خانکێ بە 964ـی وت،” ئاگادارى بڵاوبوونەوەى ئەو حەشەراتانەین، لیژنەیەکى ڤێرتێرنەرى و کشتوکاڵیمان پێکهێناوە و بەدواداچوونیان بۆ بڵاوبوونەوە و هۆکارەکەى کردووە”.
“بەپێى ئەنجامە سەرەتاییەکان لیژنەکە دەرکەوتووە کە ئەو جۆرە حەشەراتانە وەرزین و هیچ زیانێکیان نییە، بەڵام لێکۆڵینەوەکان بەردەوامن”، بەڕێوەبەرى ناحیەى خانکێ واى وت.
ناحیەی خانکێ دەکەوێتە سنووری قەزای سێمێڵ و 20 کیلۆمەتر لە شارى دهۆکەوە دوورە.
پێداچوونەوە: وریا فەتاح
