پزیشکێک ڤاکسین لە چارەخوازێک دەدات _ وێنە: بۆ 964 نێردراوە
قسەی پزیشکێکی پسپۆڕە
“رێگری ڤاکسین لە توشنەبوون بە پەتا سەدا 40 بۆ 60 کاریگەرە”
964+
ئەحمەد مستەفا
ڤاکسینی پەتای وەرزی، کە پێکوتەیەکە لە دژە تەنەکانی ڤایرۆسی پەتای وەرزی بۆ بەرزکردنەوەی ئاستی بەرگری لەشی مرۆڤ، وەک رێگری لە توشبوون و کەمکردنەوەی نیشانەکەنی توشبون بە ڤایروسی ئەنفلۆنزای وەرزی.
کێ دەتوانێت بەکاریبهێنێت؟
ئەم پرسیارە، پزیشکی پسپۆڕ، دکتۆر سەرخێڵ ئاراز، پسپۆڕی تەندروستی گشتیی نەخۆشییە درمەکان لە بڵاوکراوەیەکدا ئەمڕۆ شەممە 26.10.2024 دەڵێت، هەموو مرۆڤێک ئارەزوومەندانە دەتوانێت بەکاریبهێنێت، بەتایبەت ئەو کەسانەی كێشەیەکی تەندروستی و نەخۆشی درێژخایەنیان هەیە، یاخود بۆ ئەو کەسانەی بەرگری جەستەیان لاوازە زۆر بەسودە بۆیان، ئەوەش بۆ پارێزگاریکردنیان لە توشبوون بە ئەنفلۆنزای وەرزی.
لە بارەی ئەوەی کاتێک ڤاکسینی پەتای وەرزی وەک پێکوتە وەرگیرا ئایا توشی پەتاکە دەبیت؟، ئەو پزیشکە پسپۆڕە باسی لەوەکردووە، ئەم کوتانە رێگری لەتوشبوون بە ڤایرۆسی پەتای وەرزی کەمدەکاتەوە بە رێژەی 40% بۆ 60%، رێگری تەواو بکات بۆ توشبوون یاخود گەر توشی پەتای وەرزی بێت زۆر ئاسان بێت و بە ئاسانی تێپەڕێت.
پێکوتەی دژ بەڤایرۆسی ئەنفلۆنزای وەرزی تەنیا بەیەک جار بەکاردێت لەرێگەی دەرزی بۆ ماسولکەی شان بەکاردێت باشترین کات “کۆتای مانگی ئۆکتۆبەری”هەموو ساڵێکە، دەربارەی گونجاوی ئەو پێکەوتە بۆ منداڵ ئەو پزیشکە دەڵێت، بەدڵنیایەوە بۆ منداڵ بەکاردێت بۆ خوار تەمەنی شەش ساڵ بە دوو دۆز دەکرێت، کە پێویستە مانگێکی نیوانی هەردوو دۆزەکەبێت و راوێژ بە پزیشک بکرێت پێش بەکارهێنانی و دڵنیابونەوە لە توش نەبوون بە پەتای وەرزی.
کوتانی دژ بە ڤایروسی ئەنفلۆنزا، تەنیا بۆ ماوەی شەش مانگ کاردەکات بۆیە پێویستە ساڵانە بەکاربهێنرێتەوە، سەرخێڵ ئاراز ئاماژە بەوەدەکات، رەنگە بۆماوەی چەند کاتژمێرێک گیان داهێزران و تایەکی کەم دروست بکات، ئەویش زۆر کەم و هیچ کاریگەرییەک دروست ناکات، بەمەرجێک دڵنیابین لە توشنەبوونی پێش وەخت بە ڤایرۆسەکە.
رێنمایی نوێی تەندروستی بۆ پێشگرتن لە پەتا وەرزییەکان بڵاوکرایەوە
