زانکۆى ئەمەریکى لە سلێمانى
بە پەندی پێشینان تێستی خوێندکارەکان دەکەن
964+
دیلان محەمەد جەزا- سلێمانى
رۆژی ئاشنابوون بە زانکۆی ئەمریکی لە سلێمانی بەرێوەچوو و خوێندکاران پرۆژەکانی خۆیان بۆ ئامادەبووان نمایشکرد.
پەروا ئەبوبەکر، خوێندکارى زانکۆى ئەمەریکى و خاوەنى یەکێک لە پرۆژەکان بە 964ـى وت،” پرۆژەکەم پێکهاتووە لە ئاشناکردنی خوێندکاران بە پەندی پێشینان و بەشداربوو پەندێکی دەدرێتێ و داواى لێدەکرێت واتاکەى شی بکاتەوە”.
بەپێى پڕۆژەکە، پەندەکان لە پلاتفۆڕمێکدا دەخرێنەڕوو و شیکردنەوەى پەندەکەشى تێدایە، بەڵام سەرەتا داوا لە خوێندکارەکان دەکرێت پەندەکە شى بکاتەوە.
خاوەنى ئەو پڕۆژەیە باسى لەوەشکرد، خوێندکارەکان بەباشى لە پەندەکان تێدەگەن و ئامانجیش لە پڕۆژەکە دەرخستنى توانا و ئاستى خوێندکارانى زانکۆى ئەمەریکى
باسی لەوەکرد، خوێندکارەکان زۆر باش پەندەکان شیندەکەنەوە و لێی تێدەگەن، ئامانج لەو پرۆژەیەش تەنیا دەرخستنی ئاست و تواناى خوێندکارانى زانکۆی ئەمریکییە لە زمانى کوردى و شیکردنەوەى پەندە کوردییەکان.
پێداچوونەوە: وریا فەتاح
