وێنەی ماڵپەری نووسینگەی ئەنجومەنی وەزیران کە پێشبڕکێکەی تێدا راگەیەندراوە.
حكومه‌تى عێراق ده‌یكات
له سنوورى مه‌خمور پێشبڕكێیه‌كی نیشتمانى بۆ دیزاینی ئه‌ندازیارى ئه‌نجام ده‌درێت
964+
فه‌رهاد حه‌سه‌ن
له سنوورى قه‌زاى مه‌خمور و ناحیه‌كانى، حكومه‌تى عێراق پێشبڕكێیه‌كی نیشتمانى بۆ دیزاینی ئه‌ندازیارى ئه‌نجام ده‌دات، له ئێستاشه‌وه فۆڕمێكی داناوه بۆ ئه‌و كه‌سانه‌ى ده‌یانه‌وێت به‌شدارى بكه‌ن، پێویسته پڕى بكه‌نه‌وه.
پێشبڕكێیەكه سه‌نته‌رى مه‌خمور و ناحیەکانی قەراج، کەندێناوە، مەلاقەرە و گوێڕ ده‌گرێته‌وه.
ئەنجومەنی باڵای لاوان كه سه‌ر به نووسینگه‌ى سه‌رۆك وه‌زیرانى عێراقه، ده‌ڵێت پێشبڕکێیەکە بە ئامانجی هاندانی داهێنان و داهێنانە لە بواری دیزاینى ئەندازیاریدا.
ئاماژه‌ى به‌وەش كردووه، ئەم پێشبڕکێیە دەرفەتێکە بۆ هاندانی داهێنەرانە و نمایشکردنی دیزاینە ئەندازیارییە داهێنەرەکان و ده‌شڵێت، خەڵاتی بەنرخ بۆ براوەکان دەبێت .
بۆ به‌شداربوونى گه‌نجانى ئه‌ندازیار مه‌رج داندراوه ، كه پێویستە ئەندازیار تەمەنی 18 ساڵ بۆ 35 ساڵ بێت، عێراقی بێت و پسپۆڕیه‌كه‌شی ئەندازیار بێت .
نووسینگه‌ى سه‌رۆك وه‌زیرانى عێراق فۆڕمێكى له ماڵپه‌ره‌كه‌ى داناوه بۆ هه‌ر گەنجێك بیه‌وێت به‌شدارى پێشبڕكێیەكه بكات پێویسته پڕى بكاته‌وه.
