دیمەنی چاککردنی ئاوەڕۆی گەڕەکێکی دەربەندیخان.وێنە.قایمقامیەتی دەربەندیخان
لە دەربەندیخان
ئاوەڕۆی گەڕەکێک بووەتە هۆی مەترسی بڵاوبوونەوەی نەخۆشی
964+
توانا نەقی
نەبوونی ئاوەڕۆ لە یەکێک لە گەڕەکە تازەکانی قەزای دەربەندیخان بووەتە هۆی مەترسی بڵاوبوونەوە نەخۆشی و لەسەر داوای هاوڵاتیانی دەست کراوە بە چارەسەر کردن و دروستکردنی ئاوەڕۆ.
هەر هاوڵاتیانی گەڕەکەکە نا بەڵکو بەڕێوەبەر و مامۆستایانی قوتابخانەی گەڕەکەکەش هاواریان لێ هەستاوە و داوای چارەسەر دەکەن.
سلێمان محەمەد قایمقامی دەربەندیخان بە 964ـی وت، ئەو شوێنە یەکێکەلە گەڕەکە تازەکانی قەزاکە و لەلایەن کۆمپانیایەکەوە بە ناوی رووناکی جێبەجێ کراوە، لە دوای تەواوبوونی ئاوەڕۆی بەشێک لە ماڵەکان دەرنەدەچوو.
وتیشی، لەسەر داوای ئەو خەڵکە ئەوان ئەو ئەرکەیان لە ئەستۆ گرتووە و دروستکردنی ئاوەڕۆکە و چارەسەرکردنی کێشەکەشیان کە دەستپێکراوە لە ماوەی هەفتەیەکدا تەواو دەبێت.
