یهكهمجاره و به فراوانى بڵاوبووهوه
له بهشێكى زهویهكانى ناحیهى قهسرۆك كێشهى بڵاوبوونهوهى كولـلهیەکی رەش چارهسهركرا
964+
فهرهاد حهسهن
له بهشێكی زهویهكانى سنوورى ناحیهى قهسرۆكى سهر به قهزاى شێخان، جۆره كولـلهیهك لهناو زۆربهى زهوییه كشتوكاڵییهكان بڵاوبووهوه، بهڕێوهبهرى ناحیهش دهڵێت، یهكهمجاره بڵاودهبێتهوه و تواندراویشه نزیكهى 80%ـى چارهسهر بكرێت.
كولـلهیهكه رهنگى رهشه له سنوورى ئهم ناحیهیه به (سیسرك) ناوى دهبهن.
مهران لوقمان نێروهیی، بهڕێوهبهرى ناحیهى قهسرۆك به 964ـى راگهیاند، لهگهڵ بڵاوبوونهوهى كولـلهكه لیژنهیهكی تایبهتمهندیان له ڤێتێرنهرى، تهندروستى و كشتوكاڵ پێكهێنا و بهووردى كاریان لهسهر قهڵاچۆكردنى كرد.
وتیی “دواى لێكۆڵینهوهى لیژنهكه جۆره چارهسهرێك بۆ لهناوبردنى دۆزرایهوه و لهرێگهى رشاندنهوه نزیكهى 80%ـى كولـلهكان نهماون”.
باسی لهوهشكرد، هۆكارى سهرهكى بڵاوبوونهوهیان بۆ ئهوه دهگهڕێتهوه كه ماوهیهكی زۆره ئهو زهویانه لهلایهن جوتیارانهوه نهكێڵدراون بههۆى ئهوهى كێشه لهنێوان خاوهن زهوى و جوتیارهكاندا ههبووه.
روونیشیكردهوه ئێستا بهبهردهوامى چاودێری زهویهكان دهكهن و له ئهگهرى زۆربوونیان جارێكی دیكه كارى رشاندنى زهویهكان دهكهنهوه.
