شۆفێرەکانیان سزا دران
لە زاخۆ شەش ئۆتۆمبێل دەستیان بەسەرداگیرا
964+
شڤان عەبدوڵا – زاخۆ
لە زاخۆ شەش ئۆتۆمبێل دەستیان بەسەرداگیرا و شۆفێرەکانیان سزا دران.
دوای تەواوبوونی دەوامی پۆلیسی هاتوچۆ، ژمارەیەک گەنجی زاخۆ بە هەلیان زانی لەناو بازاڕ نمایشی ئۆتۆمبێلەکانیان بکەن و ئەزیەت و ناخۆشی بۆ خەڵک دروست بکەن، هاتوچۆی زاخۆش دەستی بەسەر ئۆتۆمبێلەکانیان دا گرت و سزای دان.
بەشیر عەلی وتەبێژی هاتوچۆی زاخۆ بە 964ـی وت، ” پێنج رۆژ ئۆتۆمبێلەکانیان رادەگرین و سزای داراییش دەدرێن، ئەگەر سەرپێچییەکانیان دووبارە کردەوە، سزای توندتر دەدرێن، بۆ ئەوەی نەبێتە دیاردە لەلایەن گەنج و شۆفێرانەوە”.
ئاماژەی بەوەشکرد، ئیمزایان لێ وەرگیراوە و بەڵێنیان داوە کە سەرپێچییەکە دووبارە نەکەنەوە، دوای پێنج رۆژیش ئۆتۆمبێلەکانیان پێدەدرێتەوە.
پێداچوونەوە: شۆڕش قادری
لە زاخۆ ماڵێک سووتا
