دابەشکردنی ژمارە نایابەکانی تابلۆی هەڵەبجە دەنگی نییە

964+
ئەمەل ناجی – ھەڵەبجە

لە مانگی سێی ئەمساڵەوە دەستکراوە بە دابەشکردن و فرۆشتنی تابلۆی ئۆتۆمبێلی ژمارە ھەڵەبجە، بەڵام تا ئێستا تەنیا ژمارەی ئاسایی و ژمارەی دڵخواز دابەشکراون، ھیچ ژمارەیەکی نایاب نەخراوەتە زیادکرنی ئاشکراوە و نەفرۆشراوە.

ئەوە لە کاتێکدا، هاتوچۆی هەڵەبجە بە سێ کۆمەڵە، ژمارەکانی دەفرۆشێت و تا ئێستا نزیکەی نۆ ھەزار فۆرمی دابەشکردووە بە سێ وەجبە بۆ وەرگرتنی ژمارە.

وەجبەی یەکەم: 1405فۆرم دابەشکراون.
485ژمارە داواکارییان لەسەربووە.

وەجبەی دووەم: 2670 فۆرم دابەشکراون
672 ژمارە داواکارییان لەسەر بووە

وەجبەی سێیەم: کە ئێستایە
نزیکەی 5000 کەس ناوی نووسیوە

عەقیدی ھاتوچۆ، ھاوڕاز فاروق، سەرۆکی لیژنەی فرۆشتنی ژمارە دڵخوازەکان لە هاتوچۆی هەڵەبجە بە 964ی وت، “ژمارەکان کراون بە سێ کۆمەڵەوە، کۆمەڵەی یەکەم ژمارەی ئاسایین و بێ بەرانبەر لە رێی سیستەمی کۆمپیتەرییەوە دابەشدەکرێن بەسەر ھاوڵاتیاندا، کۆمەڵەی دووەم ژمارە دڵخوازەکانن، کە چوار ژمارەیی و پێنج ژمارەیین و بە بڕی دوو ملیۆن دینار دەفرۆشرێن، ھەرچی کۆمەڵەی سێیەمن کە ژمارە نایابەکان، تا ئێستا ھیچ ژمارەیەکیان لێ نەفرۆشراوە”.

ئەو ژمارە نایابانە یەک ژمارەیی، دوو ژمارەیی، و سێ ژمارەیین، و پێویستە وەزارەت رێنمایی تایبەتیان بۆ دەربکات و لیژنەی تایبەتمەندییان بۆ پێکبھێنرێت، بۆ ئەوەی بخرێنە زیادکردنی ئاشکراوە، عەقید ھاوڕاز ئاماژەی بەوەشکردووە، “بە نرخێکی بەرز بفرۆشرێن، بەڵام ھێشتا ھیچ رێنماییەکمان بەدەست نەگەیشتووە و نازانین رێوشوێنەکان چۆنن بۆ فرۆشتنی ئەو ژمارە نایابانە”.

پێداچوونەوە: ئەحمەد مستەفا

لە سەنتەری شاری هەڵەبجە نەوت دابەش دەکرێت

هاتوچۆی هەڵەبجە چوونەناوەوەی ماتۆڕسکیلی بۆ نێو بیارە قەدەغە کرد

عەتا شەهید بارام بەڕێوەبەرە تازەکەی پۆلیسی هاتوچۆی هەڵەبجەیە