دوو هەژماری بانکیی دەکرێنەوە

عێراق 40 ملیار دینار بۆ هاوکاری لوبنان و غەززە تەرخان دەکات

2024-10-01 | 21:44

964+

شۆڕش قادری

سودانی 40 ملیار دینار بۆ هاوکاری خەڵکی لوبنان و غەززە تەرخان دەکات و دوو هەژماری بانکی بۆ هاوکارییەکان دەکاتەوە.

ئەمڕۆ سێشەممە، 1.10.2024 حکومەتی عێراق بڕیاریدا دوو هەژماری بانکی لەبەردەستی سەرجەم هاوڵاتیان و دامەزراوەکاندا بکاتەوە بەمەبەستی وەرگرتنی هاوکارییە داراییەکان، بە فەرمی تۆمارکردنیان و خەرجکردنیان بۆ کاری فریاگوزاری مرۆیی بۆ خەڵکی غەززە و لوبنان.

ئەوەش لەژێر چاودێریی محەمەد شیاع سودانی سەرۆک وەزیرانی عێراقدا دەبێت کە ڕەزامەندی دەربڕیوە لەسەر تەرخانکردنی بڕی 40 ملیار دینار، لە یەدەگی فریاگوزاری و بودجەی دارایی بۆ دابینکردنی کەرەستەی فریاگوزاری بۆ خەڵکی غەززە و لوبنان.