شارەوانی دەربەندیخان دەیەوێت گۆڕانکاری لە فولکەی پەری دەریا بکات
بووەتە مۆتەکەی تانکەرەکان
شارەوانیی دەربەندیخان دەیەوێت گۆڕانکاری لە فولکەی پەری دەریا بکات
964+
شۆڕش قادری
شارەوانیی دەربەندیخان دەیەوێت گۆڕانکاری لە فولکەی پەری دەریا لە دەروازەی شاردا بکات کە بووەتە مۆتەکەی تانکەرەکان.
لە ماوەی رابردوودا چەندین تانکەری هەڵگری سوتەمەنی دوای تێپەڕبوونیان لە تونێلی دەربەندیخان و گەیشتنیان بە دەروازەی شار لە نزیک فولکەی پەری دەریا وەرگەڕاون و کارەساتیان خوڵقاندووە کە زۆرێک پێیانوایە شوێنی فولکەکە و هەڵکەوتە و ئەندازەی رێگاکە هۆکاری سەرەکیی رووداوەکانە.
عوسمان عەبدوڵا سەرۆکی شارەوانی دەربەندیخان بە 964ـی وت، “لەسەر بودجەی ساڵانی پێشوو دەستمان کردووە بە چاککردنی بەشێک لە شەقامی دووسایدی دەربەندیخان – ژاڵەناو و هەڵمەتی هەڵکەندن و نۆژەنکردنەوەی شەقامەکانی ناوبازاڕ بەردەوام دەبێت”.
“پلانێکیشم بۆ گۆڕانکاری لە فولکەی پەری دەریا و رێگای هاتنە ناوەوەی دەربەندیخان خستووەتە بەردەم بەشی نەخشەدانانی ئاوەدانی سەر بە وەزارەتی شارەوانی و گەشتوگوزاری هەرێم”، عوسمان عەبدوڵا وای وت.
ئاماژەی بەوەشکرد، گۆڕانکاری لەو رێگایەدا پێدەچێت درێژخایەن و کاتی بوێت، چونکە پێویستی بە بودجە و گۆڕینی زەویی بازرگانی و تاکەکەسی هەیە.
جارێکی ديکە تەنکەرێک لە دەربەندیخان وەرگەڕا
