یەکێک لە سیتیەکانی سلێمانی کە شوێنی نیشتەجێبوونە. وێنە: 964+
بۆ هەر کیلۆواتێک 253 دینارە
نرخی کارەبای سیتیەکان بۆ ئەم مانگە لە سلێمانی دیاریکرا
964+
توانا نەقی
کارەبای سلێمانی نرخی کیلۆواتێک کارەبای سیتیەکانی ئەو شارەی بۆ مانگی ئەیلول دیاریکرد بۆ هەر کیلۆواتێک 253 دینار دانراوە نرخەکە لە چاو مانگی رابردوو دابەزیوە.
ئەمڕۆ پێنجشەممە بەڕێوەبەرایەتی کارەبای سلێمانی بڵاویکردەوە، بۆئەم مانگە نرخی هەر کیلۆواتێک کارەبا بە 253 دینار دیاریکراوە و لە چاو مانگی رابردوو واتە ئاب نرخەکە دابەزیوە و مانگی رابردوو هەر کیلۆواتێک 260 دینار بووە
دیاریکردنی نرخی کارەبای سیتیەکان بەگوێرەی نرخی گازوایل بووە ئەمەش دوای خەمڵاندنی لەلایەن لیژنەی ئەنجومەنی سیتیەکان و بەڕێوەبەرایەتی کارەبای سلێمانی.
کارەبای مۆلیدەی زۆرینەی کۆمەڵگاکانی نیشتەجێبوون بە یەکەی کیلۆوات دیاریدەکرێت نەک بە ئەمپێر.
لیژنەکە ئەوەشی راگەیاندووە، پێویستە سەرجەم سیتیەکانی سنوری پارێزگای سلێمانی پابەندی نرخەکە بن، ئەگەر زیاتر لەو نرخە وەربگرن رووبەڕووی رێکار و سزای یاسایی دەبنەوە.
